PIRDO SÊRİN BI A

Pırdê Abdullah Bazencir ri xerıpiyayişê asfalt ra qefıliya bı, pırd newe ra asfalt bı u trafik rê bı a.

Pırdê Abdullah Bazencir pê teşebusê Belediyeya Çoligi u destegê AFAD vıraziya bı u bıbı a. Labelê badê abiyayişi ra asfaltê pırdi xerıpiya bı, belediye zi ıno sebeb ra pırd qefılna bı. Iney ser ra pırdê Abdullah Bazencir u rayirê cı newe ra asfalt biyi.

Guerê beyanatê Koordinatiya Medya ê Belediyeya Çoligi, pırdê Abdullah Bazencir o ki 2 şeriti yo u dergiya cı 71, verıniya cı zi 24 metre ya tede xebatê asfalti bı temom. Rayiro ki pırd besteno rayirê Çarşuwa Cêri ya, asfaltê ıno rayir zi bı temom.

Eşkera dı hına vaciya: “Pırdê Abdullah Bazencir 13 Nisan 2017 dı laser dı şiya bı we u bıbı xırabı. İhaleyê pırdi vıraziya u pırd newe ra omı vıraştış. Qediyayişê xebata pırdi ra dıma, rayiro ki wırdi hetonê bajari besteno yoninon a u rayiro ki Çarşuwa Cêri besteno pırd a, parkeyi ıni rayiron omê vetış u rayiri asfalt biyi. Asfalto ki hetê firma ra vıraziya mudêko kılm dı xerıpiya. Rayir hetê personelê tekniki ra tetkik bı, peyniya tetkik dı vıraştışê asfalt dı qısur tesbit bı u ıno sebeb ra rayir teslim nêgêriya. Pırd, hefteyo verin omı qefılnayiş u yona dor xebatê asfalt destpê kerd. Ina xebat temom bi u pırdo ki mehlaya Baxçelievler besteno weverê bajari newe ra bı a. Wa pırdê ma, şar u bajarê ma ri bımbarık bu.”

Anket

Yeni sitemizi beğendiniz mi ?

Evet
Hayır
Normal