NEWEKERDIŞÊ BAJAR DI RUETIŞİ DESTPÊ KENİ

Projeyê bajar newekerdışo ki hetê Belediyaya Çolig ra Mehlaya Afaton dı tetbiq beno çarçiwaya ına proje dı ruetışê bon u dıkonon destpê keno. Ruetışi 2 qeyde beni. Qeydeyêk pêşın, qeydeyê dıyın zi pê usule se ra 50 pêşın u se ra 50 texsit beni.

Guerê eşkeraya Mudırtiya İmar u Bajar ê Belediyaya Çolig, projeyê bajar newekerdış ê Mehlaya Afaton dı ruetışi destpê keni.

14 Kanuno Peyin dı destpê keno

Eşkeraya ki tede 14 Kanuno Peyin dı destpê biyayişê ruetış ra behs bı hına dewom kerd, “Çarçiwaya projeyê ma ya ki prosesê ihaleya cı temom bı u ma destpê vıraştışê cı keni ruetışê 161 qaremetre ra 109 daireyonê qata yoyın (serê dıkonon), 161 qaremetre ra 16 daireyonê qata zemin, 221 qaremetre ra 158 rezidanson, 112 dıkonon (bınê bonon), 68 dıkonon (bınateyê binayon), 1 fırın, 1 kreş u zerreyê AVM dı 126 ofis, 6 cayê fastfood, 29 dıkonon, 1 sinema, 1 merkezê keyf, 1 hipermarket u 2 kafeteryayonê bı terasa temaşa vıraziyeno. Fırın, kreş u kafeteryayi pê usule bazar yeni ruetış.”

İmkonê pêşın u texsit esto

Eşkera dı derheqê usulê ruetış dı hına vaciya, “Geyri menkulon hem pê usulê pêşin u hem zi pê texsit gırotış mumkun o. Usulê texsit dı se ra 50 pêşın u se ra 50 zi pê texsit dıyeno. Texsiti bınateyê 60 aşm u 120 aşm dı beni. Hemwelatiyi ma eşkeni Merkezê Cıwani ê Veysel Belgin dı Ofisa Bajar Newekerdış ziyaret bıkeri u melumat bıgêri.”

Cayi neweyi vıraziyeni

Eşkeraya ki tede temom biyayişê proje ra pey bedılyayişê bajar ra behs bı hına temom bi, “Hedefê ma zerreyê 2 serron dı proje temomkerdış o. Pê ına proje tesire erdlerzi wedariyeno u bajarê ma bedıliyeno. Ma bajarê xu dı 80 hezar qaremetre cayê tucareti keni hera. Ma pê 18 parkonê sergırotıyon u 7 parkonê servısteyon meselaya park keni safi. Ma zaf qıymet doni cayo zergun, ına çarçiwa dı ma 33 hezar qaremetre ser cayo zergun vırazeni.”

Anket

Yeni sitemizi beğendiniz mi ?

Evet
Hayır
Normal