MESELAYİ KUEK RA BENİ SAFİ

Belediyaya Çoligi, meselaya awa weri ya ki 23 serron ra nat mıntıqayê Yekmal dı dewom kena u meselaya awa weri ê Mehlayonê Baxçelievler, İnalı, Yenimehla, Simoni, Mirzon u Yeşilyurt kuek ra kena safi. 

Koordinatoriya Medya u Munasebetê Şari ê Belediyaya Çoligi, fealiyê serra 2019 ê Mudırtiya İdareyê Aw u Qenalizasyon (BİSKİ) kerd eşkera.

Eşkera dı vaciya ki pê xebatonê BİSKİ,  serra 2019 dı zê xeti neweyi ê isale u awa weri zaf meselayi biyi safi. 

Meselaya 23 serron bi safi

Pê talimatê Reisê Belediyaya Çoligi Erdal Arıkan mıntıqayê Yekmal ê Mehlaya Simoni dı meselaya awa weri bi safi. Rapor dı hına vaciya; “Mıntıqayê Yekmal dı 23 serron ra nat meselaya awa weri bibi.  Semedê ına mesela safikerdış qapasiteya 23 tonon dı yo depoyê terfi vıraziya. Xeti awa weri temir biyi u meselaya awa weri ê hemwelatiyonê ma bi safi.”

6 Mehlayon dı meselaya aw bi safi

Rapor dı mehlayonê şarıston dı zi meselaya awa weri safikerdış ra behs bı u hına vaciya; “Mehlayonê Baxçelievler, İnalı, Yenimehla, Simoni, Mirzon u Yeşilyurt dı semedê awa weri xeti neweyi onciyayi u meselaya awa weri omi safikerdış.”

Raporo ki tede semedê xetê Kurık laser ra pawıtış 28 metreyi diyesê zıxmkerdışi vıraştış ra behs bı hına dewom kerd; “Semedê meselaya awa mezelonê Qasmon safikerdış qapasiteya 18 tonon dı depoyê terfi vıraziya. Mehlaya Simoni dı xetê awa ki zerreyê Dereyê Gawur dı yo, tede 30 metre beton bı rue. Semedê awa ki depoyê Meton dı ser şına a aw depoyê Mirzon resnayiş yo xeto newe vıraziya. Meton dı semedê gual vıraştış u semedê erzeyonê xeti safikerdış, temirkerdış u ilaweya çımeyonê binon xebata etut u proje vıraziya. Heto bin ra semedê meselaya awa mehlaya TOKİ ê İçmeler, semedê bedılnayiş u newe ra vıraştış ê xetê asbest ê bınateyê depoyê itfaiye u mehlaya Simoni, semedê xetê aw ê bınê Pırdê Cebexçuri vera erzeyon hina zıxmkerdış buêriyonê çelikon xet eştış projeyi vıraziyayi. Ciya ciya mehlayon dı zi semedê hemwelatiyon ri xızmet xeti awa weri u qenalizasyon onciyayi.”

Anket

Yeni sitemizi beğendiniz mi ?

Evet
Hayır
Normal