MESELAYA TRAFİK QISEY Bİ

Reis Arıkan va: "Ma teşkilatonê alaqadaron u teşkilatonê sivilon dır piya tigêrêni u pê planonê mudeyê kılm, mudeyê werte u mudeyê dergi meselaya trafik ê bajarê xu keni safi."
 
Semedê meselaya trafik ê bajarê Çoligi safikerdış, seretiya Reisê Belediyaya Çoligi Erdal Arıkan dı kombiyayiş vıraziya. Kombiyayişo ki Merkezê Kultur ê Belediyaya Çoligi dı vıraziya Paştmirê Mudirê Emniyetê Çoligi Coşkun Akargöl, Mudirê Şubeyê Trafikê Bajar Özcan Alıcı, Paştmirê Mudirê Tehsilê Milli ê Bajar Orhan Buğrahan, Sereyê Yewiya Wadeyê Esnafê Çoligi u Sereyê Wadeyê Şofêron u Otomobilon Ali Bayram, Şefê Şubeyê Rayirê Erdi ê Çoligi Sedat Yılmaz u personelê cenderme u şubeyê trafiki iştıraqê cı kerd.
 
Kombiyayişo ki tede zê mewzuyonê texsiyi ticariyi, servisi talebeyon, talimatê plakaya M, bı şeklo korsan rayunon kırıştış, kritikê plakayonê KM, cayi vındertışon, bunderiya şofêron u komisyonê bın ê trafik runayiş qısey biyi ,Reis Arıkan semedê meselayonê trafik ê bajar safikerdış bı teşkilatonê alaqadaron xebat ser vındert.
 
Reis Arıkan kombiyayiş dı va: "Bajar beno pil, ınay dır ihtıyaci zi zidyeni. Ma wazeni meselaya muhim a trafik ê bajarê xu pê şıma dır qıseykerdış u ına çarçiwa dı pê yo plano şirık bıtemomi bıker safi. Ez bawer keno ına meselaya ki pê otobusonê rayun kırıştış, texsiyonê ticariyon, dolmişonê dew u pê çiyonê binon biya timiyon, pê fıkır u teklıfonê teşkilatonê alaqadaron ma keni safi. In mewzu dı gereka ma heme desti yobinon bıger u mesela kuek ra safiker."
 
Reis Arıkan mesela pê planonê mudeyê kılm, mudeyê werte u mudeyê dergi safikerdış ser vındert u hına qıseykerd: "Qeraro ki tiya yeno dıyayiş çarçiwaya ê qerari dı komisyonê bın ê trafik yeno runayiş. In komisyon meselaya trafik ser xebıtiyeno, meselayi ki tesbit bıkero yin ser rapor nuseno. Ma teşkilati alaqadari gereka pê yobinon mışoriyi, piya tibıgeri u guerê ınay bıxebıti. Peyniya qeraron dı ma verco bajar ser tesirê qeraronê  mudeyê kılmi vineni. Homa biyar weri ma pê planonê mudeyê werte u mudeyê dergi ına meselaya bajarê xu keni safi."
 
Kombiyayiş pê meselayonê trafik ê bajar vatış u derheqê yin dı teklifonê xu ra behskerdışê teşkilatonê alaqadaron temom bı.

Anket

Yeni sitemizi beğendiniz mi ?

Evet
Hayır
Normal