MERKEZÊ HEYATÊ SOSYAL VIRAZİYENO

Reis Arıkan, inşaatê Merkezê Heyatê Sosyal o ki hetê Belediyaya Çoligi ra u semedê seqeton vıraziyeno tetkik kerd u va; “Ma semedê heyatê seqetonê xu u keyeyonê yin rehetkerdış, semedê yin cayonê neweyon vıraştış xebıtiyeni.”

Reisê Belediyaya Çoligi Erdal Arıkan, pa paştmironê xu Ahmet Altunhan u Yaşar Demir, Mehlaya Selahattin Eyubi dı inşaatê Merkezê Heyatê Sosyal tetkik kerd.

Reis Arıkan tiya dı va ki merkezo ki pê destegê Ajansa Averiya Fırat (FKA) inşaatê cı dest pêkerd u se ra 50 ê cı temom biyo hına qısey kerd; “Butçeya sermayedariya merkez, 2 milyon u 800 hezar lira yo, merkezê ma 2 hezar metreqare ser vıraziyeno. Bı bodrum, zemin u 3 qatonê normalon, merkez 5 qaton ser vıraziyeno. Merkezê ma dı semedê cini u comêrdon salona spor, cayê xuşıtışi, sınıfi musayiş, wadeyi melımon, saloni kombiyayiş, kafeterya u cayi gureteyi sosyali esti. Ma wazeni heta peyniya serr inşaat temom bıker u xızmet bıdı şarê xu.”

 “Ino merkez hiviya way u bırayonê ma yo”

Reis Arıkan, semedê cefa u tengasiyonê psikolojik u bedeni ra xelasa seqeton  dı muhimiya hisiyatê baweri u emniyeti ra behs kerd u hına va; “Ma semedê heyatê seqetonê xu hol u rehetkerdış u bajarê xu yo bajaro bêengel kerdış xebıtiyeni. Way u bırayi ma yi ki nêşkeni heyatê xu normal raviyarni ma semedê yin merkezê heyatê sosyal vırazeni. Ma mudeyêko kılm dı merkez temom keni. Way u bırayi ma yi ki tiya dı wext viyarneni ra hem beni sosyal hem zi qurson dı beni mahır. Ma semedê seqetonê xu projeyonê xu yê binon zi gom bı gom vırazeni.”

Anket

Yeni sitemizi beğendiniz mi ?

Evet
Hayır
Normal