MEKTEBÊ FUTBOL Ê OMNONİ

Belediyaya Çoligi pê sloganê "haydê gelê qıcon veciyê seha" mektebê 11. ê omnoni kena a.

Guerê eşkeraya Koordinatoriya Medya u Munasebetê Şar ê Belediyaya Çoligi, Mektebê Futbol ê Omnoniya ki emserr dora 11. beno a, qeydonê cı destpê kerdo. 

Eşkeraya ki tede vaciya qıci ki bınateyê serronê 9-13  dı yi eşkeni muracat bıkeri hına dewom kerd; "Mektebê Futbolo ki dora 11. beno a qeydê cı 15 Heziron ruec Şeme destpê keno u 28 Heziron ruec Cuma qediyeno. Ê ki wazeni iştiraqê ın mektebo bêpere bıkeri eşkeni Merkezê Cıwani ê Veysel Belgin dı muracatê  xu vırazi."

Eşkeraya ki tede 1 Temuz dı destpêkerdışê mekteb ra behs bı hınadewom kerd; "Qıci ki qeyd bıbi şort, forma u punci bêpere dıyeni cı. Mektebo ki 6 hefteyi dewom keno qıci ma tede antrenoronê mahıron ra ders geni. Qıci ki guerê serronê xu beni qefleyi ına saye dı hem tetilê xu weş viyarneni ra hem zi pê qabiliyetê xu hesiyeni." 

Eşkera hına qediya; "Qıci ki wayirê qabiliyeti bi, mekteb ra pey daxılê Quluba Yaşamspor ê Belediyaya Çoligi beni. Temombiyayişê mekteb ra pey vicinayiş vıraziyeno. Talebeyi ki ın vicinayiş ra pê serfırazi bıviyeri, fotbolbazi ma yi qabiliyeti semedê hina zaf maç kaykerdış u hina zaf averşiyayiş erşawiyeni organizasyonê bın ê zobina qulubon."

Anket

Yeni sitemizi beğendiniz mi ?

Evet
Hayır
Normal