MEHLAYA QIBRIS DI XETÊ OTOBUSON BI A

Reisê Belediyaya Çoligi Yücel Barakazi cayo ki bınê mesuliyetê belediya dı niyo u qê sıxletiya raywonti safi kerdış heta siteya Yaşamkent u Dewa Mezrafaqi xetê otobuson kerd a. Rayir sera 7 hebi duraği esti u eyru ra tepiya bı intizam otobusi xebıtıyeni.

Reisê Belediyaya Çoligi Yücel Barakazi beyanatêk da u va: “Rıdê sıxletiya raywonti ra hemwelatiyi ki Mehlaya Yeşilyurt u siteya Yaşamkent dı ikamet keni; qê Mehlaya Yeşilyurt xetê otobus taleb kerd. Talebê hemwelatiyon ser xet diya Mehlaya Yeşilyurt.”

Beyanat dı vaciya ki, cayê siteya Yaşamkent bınê mesuliyetê belediya dı niyo. La qê meğduriyetê hemwelatiyon safi kerdış xetê otobuson diya Mehlaya Yeşilyurt u beyanat hına dewom kerd: “Ruhsat u zobina gureyê vıraştışê siteya Yaşamkent hetê İdareyê Xususi ê Bajari ra diya bı. İta dı planê xetê awkê weri u xetê qanalizasyon hol nêvıraziya bı. İta ho bınê mesuliyetê İdareyê Xususi ê Bajari dı. La qê meğduriyetê hemwelatiyon safi kerdış xetê otobuson diya ına mehla.”

Beyanat dı 2 kilometre rayir sera 7 heb durağon vıraştış ra behs bı u beyanat hına dewom kerd, “Bı xısusi 320 heb bononê siteya Yaşamkent zaf taleb kerdêni. Ma ına dehkera ser hemwelatiyi siteya Yaşamkent u ınêy Dewa Mezrafaqi dır çend duerim kombiyayışi vıraşti. Qê sıxletiya raywonti safi kerdış, Mudirtiya Zabıta u Kooperatifê Kırıştışê Zerrêbajari xebatêka muşterek kerd u rayir vıraşt. Pê ına xebat sıxletiya raywontiyê hemwelatiyonê siteya Yaşamkent bi safi. Ma mudêk ra pê çend na heb durağon vırazeni.”

Berdibek: “Siteya ma Barakazi ri teşekur kena”

İdarekarê Siteya Yaşamkent Ramazan Berdibek va, sıxletiya raywonti pê xebata Reisê Belediyaya Çoligi Yücel Barakazi ya bi safi.

Ramazan Berdibek qalkerdışê xu ri hına dewom kerd, “Siteya ma dı 320 heb boni u Hezar 200 ten ra zaf merdımi esti, pê ına xebat sıxletiyê maya tor gırd bi safi. Ma rıdê Reisê Belediyaya ma ra hina rehet raywonti keni. Ez rıdê ına sıxletiya ma safi kerdış Reisê Belediyaya Çoligi Yücel Barakazi, Reisê Kooperatifê Wesayitonê Motorınon Nuretin Kaya u Mudirtiya Zabıta ri teşekur keno.

Muxtar Önver: “Her xızmet muhimo”

Muxtarê Mehlaya Yeşilyurt Murat Önver va, Reisê Belediyaya Çoligi Yücel Barakazi yona sıxletiya mehlaya ma kerda safi.

Muxtarê Mehlaya Yeşilyurt Murat Önver qalkerdışê xu hına qêdina, “Hemwelatiyonê siteya Yaşamkent qê Mehlaya Yeşilyurt xetê otobuson taleb kerd u taleba ma resayi bi Reisê Belediyaya ma. Bı xısusiyet meğduriyetê raywonti ê hemwelatiyonê siteya Yaşamkent estı bı. Iney ser Reis beg 2 duerim omı bı mehla u sıxleti kerd safi. Rayiro newe ser dı tay kemasi esti, ma bawer keni ki ıni kemasi zi beni safi. Ez Reisê Belediya, idarekarê kooperatif u kom ki keda yı tedı viyerto ez yın ri teşekur keno.”

Anket

Yeni sitemizi beğendiniz mi ?

Evet
Hayır
Normal