MASKEYİ BÊPERE DİYENİ HEMWELATİYON

Belediyaya Çoligi, semedê xu virusê korona ra pawıtış, bêpere maske dona hemwelatiyon u esnafon.

Guerê eşkeraya Koordinatoriya Medya u Munasebetê Şari ê Belediyaya Çoligi cayonê bazaron, marketon, wesayitonê xeton u cayonê qerebalıxonê xebat dı masketi sterili yeni vılakerdış.

Eşkera dı hına vaciya; “Hemwelatiyi ma yi ki mecburiya xebat ra keyeyonê xu ra veciyeni ma çarçiwaya tedbironê virusê korona dı cayonê mecburi ê maske xu fekanayiş dı ekibi Zabıtayê ma maske keni vıla. Ekibi Zabıta bazaron her wext teftiş keni, maske xu fekanayiş u lapık xu destakerdışê ruetoğonê bazar kontrol keni. Çarçiwaya tedbirê mesafe dı şıritê emniyeti onciyeno verê dezgeyon. Şarê ma yo ki yeno bazar derheqê 14 qeydeyon u mesafe dı melumat diyeno yin zi.”

“Heme tedbiri yeni guretış”

Eşkera dı semedê virusê korona bı hesasiyet tedbiron guretış ra behs bı u hına vaciya; “Semedê virusê korona rehberiya Walitiya ma dı heme tedbiri yeni guretış. Zerreyê bajar dı otomati dezenfektanê deston niyayi ru, wesayiti xeti, binayi kamu, texsiyi ticariyi, cayi ki hemwelati zaf şıxulneni, ATMyi, dolmişi dewon u qezayon tımotım dezenfekte beni. Cehdeyi ki tede sıxletiya wesayiton u pêyayon esta yeni pakkerdış, heme depoyi awa weri ê bajarê ma yeni pakkerdış u klor beni.  Ekibi Mudırtiya Zabıtayê ma marketon u cayanê ruetışê weri teftiş keni. Hemwelatiyi ma yi ki muhtaci, semedê yin koliyi destegi yeni vılakerdış.”

Eşkeraya ki tede hemwelatiyon ra keye dı mendış u bêmecburiyet teber nêveciyayiş waziya hına dewom kerd; “Lazımo semedê sıhetê şari her şexıs mesuliyetê xu biyaro ca u qeydeyi ki Wezaretê Sıhetê ma kıfş kerdi tabiyê yin bo.”

Anket

Yeni sitemizi beğendiniz mi ?

Evet
Hayır
Normal