MA PİYA ŞIKIL DONİ İSTİKBALÊ XU

Reis Arıkan, esnafê cehdeyê Kultur ziyaret kerd u va; "Ma çarçiwaya qeydeyonê Belediyaya Zerr dı tigêrêni, esnaf u hemwelatiyonê xu ziyaret keni. Ma hem meselayon cayê cı dı tesbit keni hem zi semedê şıkıl istikbalê şarıstonê xu dayiş gueştariya teklıf u waştışonê yin keni."
 
Reisê Belediyaya Çoligi Erdal Arıkan, çarçiwaya yocaomeyişê esnaf-hemwelati dı esnafê Cehdeyê Kultur ziyaret kerd. Hemwelatiyon u esnafon zaf alaqa muet Reis Arıkan.
 
Reis Arıkan gueştariya gerre u waştışonê esnafon u hemwelatiyon kerd u derheqê xebatonê Belediya dı melumat da. Reis Arıkan hemwelatiyi ki omeyi esnaf het tucaret keni yin dır zi sohbet kerd, derheqê projeyon dı fıkırê yin not kerd.
 
Reis Arıkan ziyaret ra pey beyanatêko kılm da u va, ıni ziyareti semedê gueştariya esnafi u hemwelatiyon kerdış, gueştariya fıkıronê yin kerdış, meselayonê yin safikerdış çarçiwaya yo plan dı beni.
 
Reis Arıkan hına qısey kerd; "Ma çarçiwaya qeydeyonê Belediyaya Zerr dı tigêrêni, esnaf u hemwelatiyonê xu ziyaret keni, meselayon cayê cı dı tesbit keni, semeqê şıkıl istikbalê şarıstonê xu dayiş gueştariya waştış u teklıfon keni. Ma ına çarçiwa dı eyro esnafê cehdeyê Kultur ziyaret kerd, ma esnaf u hemwelatiyonê xu dır sohbet kerd. Ma projeyonê Belediyaya xu ra behs kerd u gueştariya hemwelatiyon kerd. Ma qıc ra pil qiymet doni fıkırê heme hemwelatiyon. Ma xızmetê Belediyaya xu ına çarçiwa dı oni ca. İstişareyi hem projeyonê ma keni hina hol hem zi ihtiyacê şarıstonê ma dı çıta hina zaf muhimo ma ınay hina hol vineni."
 
Reis Arıkan dewomkerdışê ziyareton ser vındert u va; "Ma çarçiwaya yo plan dı ziyareton ri dewom keni. Esnafê ma yo ki ma hema tanêomeyi ziyaret bıker ma yin zi ziyaret keni, gueştariya yin keni. Wa ın het ra zerra çıkesi ma ra nimono. Heme esnaf u hemwelatiyi ma, ma zerr dı zêpi yi u wayirê qıymeti."

Anket

Yeni sitemizi beğendiniz mi ?

Evet
Hayır
Normal