“MA PİYA ŞIKİL BIDI İSTIQBAL”

Reisê Belediyaya Çoligi Yücel Barakazi, Kombiyayışê Meclisê Mışoreyê Bajari ê Hirakerde dı qal kerd. Reisi una va: “Ma vateyê xu yo ker, istıqbalê melmeket u Çolig piya inşa beno. Ma gereka piya şıkil bıdı istıqbalê xu. Ma ını ğaye sera zê yo ferdê aileyê AK Parti piyer piya bıxebıt.”

Reisê Belediya Barakazi, Kombiyayışê Meclisê Mışoreyê Bajari ê Hirakerde ki destê Seretiya Bajari ê Ak Parti vıraziyayo uca dı qısê kerd u va gereka hemı teşkilati vateyê xu yo keri u pê koordinasyon bıxebıti.

Reisi, koordinasyon sera vındert u va, gereka qê şıkildayışê istıqbalê Çoligi ma hemı piya bıxebıt. Reisi, una dewom kerd: “Ma gereka piya şıkil bıdı istıqbalê Çoligi. Ma gereka her problem u talep hola analiz bıker, muhasebe bıker u zê yo ferdê aileyê Ak Parti piyer piya bıxebıt. Ma gereka Çolig sera muhasebeyêko gıron bıker u piya şıkil bıdı istıqbalê bajarê xu.”

Reisi, kongreyi ki ıni ruecon dı vıraziyayi derheq inon dı qal kerd u va, ma kongreyon ra quwet dawo arê. Barakazi qali xu una dewom kerdi:

“Gereka newekerdışê kongreyon dıma ma xu zi newe ker. Ez bawer keno ki ma pa Reisê Ak Parti ê Çoligi, Reisonê Qezayon u ê Merkez, u pa kongreyê teşkilatê ciniyon ki ıni ruecon dı vıraziyena, ma bad ıni gumon bınêna beni zıxm u pê hêvi oniyeni istıqbalê xu. Umbazi ki wezifeyê xu dewır kerd ma gereka dest bıerz pê u yın dır zerrra bıxebıt. Partiya ma gelêk zıxm a labelê semedê bınêna zıxmkerdış ma dest ra çı yeno gereka ma texsir meker. Ez xeseten wazeno ınê sera vındıri ki bı yo belediya ma dest ra çı yeno ma hê emrê partiya xu dê.”

Reisi, qali xu una dewom kerdi: “Belediya u teşkilati ma dest bıerzo pê, ma partiya xu bınêna keni zıxm u quwetın. Ay ki qê aileyê Ak Parti zerrweşi ra u pê zerra safi xebıtiyeni u paşt doni ma, partiya ma her ruec bınêna keni zıxm. Ez yın ri xeseten teşekur keno. Ay ki qê Ak Parti şew u ruec pê zerra safi xebıtiyeni ez zerrra yın ri teşekur keno.”

Proğramo ki Merkezê Kultıri ê Belediyaya Çoligi dı vıraziya, Wekilê Çoligi Enver Fehmioğlu, Paştmirê Wezaretê Averi Yusuf Coşkun, Reisê Bajari Mehmet Hanefi Güler, teşkilati parti u xılêk hemşehriyon iştıraq kerd cı. 

Anket

Yeni sitemizi beğendiniz mi ?

Evet
Hayır
Normal