“MA PAŞT DONİ MUXTARON”

Reis Barakazi, iştıraq kerd qongreya 13ın ê dernega muxtaronê Çoligi u ita dı qal kerd. Reisi, una va: “Ma paşt doni piyerê muxtaron u ma yın ra şık nêkeni. Hendê ma, mesuliyetê yın zi esta, ma piyer piya bajarê xu ri xızmet keni.”

Qongreya 13ın ê Dernega Muxtaronê Çoligi Merkezê Kultır ê Çolig dı viraziya. Reisê Belediya Yücel Barakazi, muxtari merkez u ê dewonê Çoligi iştıraq kerd qongre.

Butaku: “Ğayê ma xızmet kerdış o”

Qongre dı, qalkerdışo vêrin Reisê Dernega Muxtaronê Çoligi Abdullah Butaku heta vıraziya Butaku una va:

“Ma ına derneg pê çetıni naya ru u heta ına ruec arda. Hetê Merkezê Umumi ra yo anket vıraziya u dernega ma Tırkiya dı dernega tor hol vicna. Çımki ma ehemiyet doni gureyê xu. Ma sêrsıbay wurzeni, dernega xu keni a, ma şarê Çoligi ri xızmet keni. Yo ğayê ma esta, aya zi xızmet kerdış a. Ez qê qıymet u destegê Reisê Belediyaya ma Yücel Barakazi cı ri zaf teşekur keno. Çolig dı organizasyonê şelıgê sivilona tor gırd dernega muxtaronê Çolig a. Çolig dı piyerê dewon, mehlayon u beldeyon dı muxtari esti. Inı sebeb ra zi dernega muxtaronê Çoligi piyerê bajari temsil kena. Tayi buroqrati u siyasetkari esti ma nêvineni, wa mevini, ma honci bajar u dewletê xu ri xızmet keni. Qongreya ma ê muxtaron, bajar u dewletê ma ri xeyrın bo.”

Barakazi: “Ma qıymet doni muxtaronê xu”

Şarê ma ehemiyet dayışê muxtaron dı bınêk sıst moneno, gerake wa bızoni ki muxtarti idarekariya mehelli dı goma vêrin a.

Barakazi, qalkerdışê xu ri una dewom kerd: “Çıta ki ma dest ra omeya ma qê muxtaron xu kerda. Ma yo muxtari xu ra zi şık nêkeni. Ma teyna desteg nêdoni muxtaronê mehlayon, ma paşt doni aye dewon zi. Bajar beno, dew bena, komyo muxtarê ma hacê yın esta wa ma ra vaci. Çiyo ki ma ra heyena ma keni. Ma heq her gure ra miyeri zi çı ki ma ra omeya ma keni.

Qalkerdış dıma semedê rey eştış vêcinayış vıraziya u Reiso mewcut Abdullah Butaku honê Reis vêciya.

Anket

Yeni sitemizi beğendiniz mi ?

Evet
Hayır
Normal