MA PARKONÊ XU BIPAW

Reis Arıkan, newebiyayişê parkon ra behs kerd u va: "Xebati ki ma pê cehdêko pil destpêkerdo nızdi ra temom beni. Parkonê ma şıxulnayiş hina beno rehet u parki ma hina zaf beni wayirê emniyeti. Lazımo xebat ra pey ma wayirê parkonê xu vêci, ma ınay zi pey aqılo şirık keni safi."

Reisê Belediyaya Çolig Erdal Arıkan beyanatê xu dı va, derheqê parkon temirkerdış dı xebatêka pil dest pêkerda.

Arıkan heme parkonê bajar temirkerdış ra behs kerd u va: "Ma parkonê xu dı xesar di. Bankonê runıştışi, kamelyayon, cayê kayon u sistemê rueşni dı xesar esta. Heme xesari ki riyê bêfohmon ra omê meydon yeni temirkerdış."

Arıkan, parkon het dı cayo zergun, refuj u çatrayiron pê vılonê wesari xemılnayiş ra behs kerd u va: "Ma qiymet doni peyzaj u bajarê xu keni rınd. Ma terasa temaşa, bendawa Gulbahar u Parka DSİ dı xebıtiyeni u ıni cayon semedê şarê xu ri xızmet keni cayonê hina rındon."

"Ma piya wayirtiya parkonê xu bıker"

Reis Arıkan, hetê herkesi ra şıxulyayiş u inay ra hetê herkesi ra pê aqılêko şirık mıhafazayê parkon ra behs kerd u hına qısey kerd: "Parki u cayi zerguni qiymeti muhimi ê bajarê ma yi. Semedê pawıtış u temirê cı ma dest ra çıta biyero ma keni. Semedê mıhafazaya parkon zi xebata ma esta. Parki ma yi ki gırd i u şarê ma zaf şıxulneno, ma ê cayon dı sistemê kameraya pawıtışi noni ru. Ma qey mıhafazaya parkonê xu şarê xu ra desteg wazeni. Ê ki zırar doni parkon ma vera yin hişar bı. Ma destur nid yin u ma bıgeyr belediyaya xu u ma xeber bıd belediyaya xu. Ini parki ê şarê ma yi. Ma piya mıhafaza bıker."

Anket

Yeni sitemizi beğendiniz mi ?

Evet
Hayır
Normal