“MA HESKERDIŞÊ XU BIMUECN YIN”

Reis Barakazi qê 21 Adar Ruecê Sendromê Down ê Dınya qıconê xısusiyon dır ome yoca u va: “Ma zaf ehemiyet muecneni yın çımki yi semedê ma zaf ercayê yi. Gereka ma piyerê hemwelati waharê bırayonê xu yê xısusiyon bıvêc ki wa bızoni ma yın ra hes keni.”

Reisê u xonımê yı qê 21 Adar Ruecê Sendromê Down ê Dınya Çolig dı merkezi tedrisatê xısusi u rehabilitasyon ziyaret kerdi.

Barakazi, mudiron u dersdaron dır ome têhet u derheq qıcon dı malumat guret. Qıci pê vılıkon şi Barakazi vera. Reis, hirı mektebi ziyaret kerdi u va:

“Ma waşt yın bıdı pêhesnayış ki yi semedê ma zaf sinayê u ercayê yi. Gereka şarê ma bınêna diqet bıker u waharê insononê xısusiyon bıvêc. Ma piyerê personel, xebatkar u idarekari Belediyaya Çoligi hemwelatiyonê xısusiyon ra hes keni. Wa bızoni ki ma qıymet u desteg doni cı. Xu vir ra mekerên ki bêla ruec yena ma zi yo wasılê xu keni vind nu zi yo qeza yena ma sare! Gereka şarê ma xısusiyetê hemwelatiyonê xısusiyon dı bınêna nerm bo. Vêrniyê sıxletiya yın dı gereka ma paşt bıdı cı ki wa pê ıni paştdayışê ma heyatê xu bınêna rehat bıviyarni”.

Reisi una dewom kerd: “Ez dadi u buabiyê ıni qıconê ma ê xısusiyon ra wazeno ki wa wezifeyê xu hol bıyari ca. Dadi u buabiyi ki wezifeyê xu zoni u waharê qıconê xu veciyeni ez hemın tebrık kena. Allahu Teala cı rı destegir u hetkar bo. Eleqayê yın hem qê dınya hem zi qê axret ecır o. Ez dadi u buabiyê yın ri sinayış u hurmetê xu şaweno. Ruecê yın u ê ailê yın wa bımbarek bo. Homa Teala umır derg, sıhet u afiyet bıdo.”   

Anket

Yeni sitemizi beğendiniz mi ?

Evet
Hayır
Normal