MA DESTUR NÊDONİ CAYONÊ QAÇAXON

Mehlaya İnoni dı arsaya bononê TOKİ işğal bı u talimatê Reis Barakazi ser cayo işğal kerde şiya we. Barakazi va; “Destur nêdiyeno bononê qaçaxon u cayonê işgalkerdeyon.”

Mehlaya İnoni dı cayê bononê TOKİ dı henzar 178 qaremetre erd işğal bı. Iney ser Belediya dest kerd gure ver.

Xeberdayışê hemwelatiyon ser Reisê Belediyaya Çoligi Yücel Barakazi u ekibi belediya şi cayo işğalkerde.

Arsaya ki işğal biya qê ına arsa taleb biyo ki wa ita parq u cayê arısiyayışi bu. Pê talimatê Reis Barakazi ya bono qaçax hetê ekibon ra şiya we. Bad weşayış a hemwelatiyi ki TOKİ dı nışeni rue Reis Barakazi ri teşekur kerd.

 “Destur nêdiyeno cayo qaçaxi”

Barakazi va, qet taviz nêdiyeno cayonê qaçaxon. Reis, qali xu una dewom kerdi, “Şıma hemwelatiyi ma hendo ki xeber bıdên ma. Seat çend bena wa bıbo. Qetiyen musade nêdiyeno cayo qaçax u işğalkerdışi. Semedê xızmetê hemwelatiyon çiyo ki ma dest ra yeno ma teqsir pê nêkeni.”

Cayo ki ho mesuliyetê belediya dı heta ınka qontroli ki biyi, 75 heb cayi işgalkerdi, 102 heb binayi metruki u pêser 177 heb boni şiyayi we u 95 henzar TL ceza bıriya.

Barakazi, qali xu una qêdinê, “Hemı bajari dı vera bononê qaçaxon mucadeleyê ma dewom keno. İnon ra wet boni metruki ki tedı narkotik yeno şıxulnayış, belediya u Mudirtiya Emniyet pê xebata muşterek ê bonon tesbit keni u şoneni we. Mucadeleyê cayonê işğalkerdeyon dı xesasiyetê hemwelatiyon ma ver dı zaf qıymetın o. Hemwelatiyi ma tesbit bıkeri ki doruverê yın dı boni qaçaxi vıraziyeni wa cad xeber bıdi ma. Boni qaçaxi ki tesbit biyi hetê ekibonê ma ra şiyeni we. Hemwelatiyi ma ki bononê TOKİ dı nışeni rue ez rıdê xesasiyetê yın cı ri teşekur keno.”

Anket

Yeni sitemizi beğendiniz mi ?

Evet
Hayır
Normal