İMAR NEWE RA TERTİB BENO

Reisê Belediyaya Çoligi Erdal Arıkan va; "Destur nêdiyeno pê keyfê xu bina vıraştışi. Heme tetbiqi imar, çarçiwaya weziyetê bajarê ma dı  u guerê mewzuati tetbiq beni."

 

Reisê Belediyaya Çoligi Erdal Arıkan, Mudırê Bajarê Çoligi ê Dormale u Bajari Abdulkadir Arslanboğa u temsilkaronê bajar ê firmayonê teftişê vıraştışi dır omı yoca. 

 

Reis Arıkan kombiyayiş dı qısey kerd u mewzuyê bajar dı tetbiqê imar dı Mudırtiya Dormale u Bajari u firmayonê teftişê vıraştışi dır xebata şirık ser vındert.

 

"Destur nêdiyeno tetbiqonê teberê mewzuati"

 

Arıkan va; "Tetbiqi ki teberê mewzuatê resmi dê, bı qetiyet destur nêdiyeno yin, firmayi inşaati ki teberê qanunê imar dı tibıgêri u rındiya bajar bıxerıpni cezaya gıron diyena yin."

 

Reis Arıkan hına qısey kerd; "Ma mimariya nızm ser vındeni, binayi ki rındiya bajarê ma bıxerıpni u bêusul bi ma destur nêdoni vırazyayişê yin. Ma Mudırtiya Dormale u Bajari ê Şarıstonê xu dır piya xebıtiyeni u tetbiqonê imar zi ına çarçiwa dı erzeni fealiyet. Ma qiymet doni mışorı u bı qetiyet ma destur nêdoni tetbiqonê ğeleton."

 

"Teftişi zidyeni"

 

Reis Arıkan zidyayişê teftişonê inşaaton ra behs kerd u hına qısey kerd; "Ekibi kontrolê inşaati ki maiyetê Mudırtiya İmar dı xebıtiyeni, ekibonê Mudırtiya Dormale u Bajar u ekibonê teftişê vıraştışi dır piya xebıtiyeni u teftişon zidneni. Firmayi inşaati ki teberê mewzuat dı tibıgêri, bıveciyi teberê desturê Mudırtiya Imarê ma u teberê qeydeyonê umumi dı gurı bıkeri ceza diyena yin. In mewzu dı bıqetiyet tawiz nêdiyeno."

Anket

Yeni sitemizi beğendiniz mi ?

Evet
Hayır
Normal