İHALEYÊ ETABA 4IN VIRAZİYA

İhaleyê Projeya Newekerdış u Averberdışê Bajari vıraziya. İhaleyê etaba projeya peyin çend rueci cuapey dest keno pê.

Koordinatoriya Medya, Neşır u Munasebetê Şari ê Belediyaya Çoligi yo beyanat da u va, ihaleyê etaba 4ın ê Newekerdışê Bajari ê Mehlaya Afaton vıraziyo.

İhale, Salona Qonferansê Merkezê Ciwonti ê Veysel Belgin dı pê iştıraqê 4 heb firmayon dest kerd pê u pê şefafti vıraziya. Beyanat, una dewom kerd, “Etaba 4ın dı 80 henzar m2 erd sera 160 heb 161,25 m² boni, 4 heb blokon dı 160 heb 222 m² rezidansi, henzar qaremetre erd sera havuza asnawi ya sergureti ca gena. Safikerdışê tayn gureyon ra pey, firmayaki mesuliyetê vıraştışê proje gureto xu mıl, ına firma dı muqawele imza beno u xebata vıraştışi dest kena pê.”

Beyanat dı vaciya ki qê etaba 5ın hedreyê dewom kena, “Bad qêdiyayışê gureyon ihaleyê etaba 5ın platforma EKAP dı bena eşkera. In wext ra pey ihaleyê etaba 5ın ê Newekerdışê Bajari qêdiyeno”

Beyanat dı vaciya ki “Çarçiwayê Projeya Newekerdış u Averberdışê Bajari dı firmayi ki mesuliyetê vıraştışê etaba 2yın u 3yın gureto xu mıl, ıni firmayon hedreyê xu kerd. Beyanat, una dewom kerd, “Çarçiwayê proje dı 616 heb boni, otoparq, ofis, cayo zergun u zobina çiyi ca geni. Firma dest pê xebata runayışê şantiye kerd u xebat ha dewom kena. Wextêko kılm dı xebat bena temom u xebata vıraştışi dest kena pê. Vıraştışê bonon dı heton ki ma ra biyero ma lezabez proje keni temom. Bad vıraştışê proje, comi, mektebo vêrin, cayi sosyali u cayi ticareti ki vercu ına mıntıqa dı çinêbi aye ita dı vıraziyeni. Pê ına proje hem enqazê erdlezi wedariyeno hem zi imajê bajarê ma beno newe.”

Beyanat, una qêdiya, “Çarçiwayê proje dı heta eyru 5 milyon u 288 hezar u 475 TL destegê kira diya. Destpêkerdışê proje ra pey qê destegê kiradayış a xebata ma lezabez vıraziyaya. Fona ki ma Wezaretê Doruver u Bajari ra gureto ma pê ına fon a destegê kira da. Heta ınka kirayê 15 aşmon diyawa. Heta proje temom bıbo, destegê kira dewom keno.”

Anket

Yeni sitemizi beğendiniz mi ?

Evet
Hayır
Normal