HEYWONİ TEBERMENDEYİ VİR RA NİŞİ

Belediyaya Çoligi, çarçiwaya tedbironê virusê korona dı, semedê heywononê tebermendeyonê vêşonon, çiyê weri nona erdi ser.

Guerê eşkeraya Koordinatoriya Medya u Munasebetê Şari ê Belediyaya Çoligi, ekibi Mudırtiya Gureyê Baytari semedê heywononê tebermendeyonê vêşonon çiyê weri nayo erdi ser.

Eşkera dı hına vaciya; “Semedê tedbironê virusê korona hemwelatiyi ma teber nêveciyeni u ınay ra heywoni tebermendeyi bê wer moneni. Semedê ıni heywonon ma zaf cayê bajarê xu dı yem u çiyê weri noni erdi ser.  Semedê heywononê tebermendeyon weyekerdış xebata ma tımotım dewom kena.”

Eşkeraya ki tede vaciya heta hemwelatiyon dest ra yena wa keye dı bımoni u wa semedê heywononê tebermendeyon aw u çiyê weri verê beronê xu dı roni hına dewom kerd; “Lazımo ma ıni ruejonê tengon dı heywononê tebermendeyon xu vir ra niker. Ma semedê ıni heywonon verê beron, verê binayon ya zi cayonê musayiton dı çiyê weri u aw roni.”

 “Ma zê çılaya çımonê xu oniyeni ıni heywonon”

Eşkeraya ki tede vaciya cayê wetiya heywonon dı 230 heywono tebermende tedawi beno u tiya dı tımotım mıqatê yin beno hına dewom kerd; “Ê heywoni tebermendeyi ki bırindari ya zi muhtacê destegi ma yin Keyeyê Weti dı tedawi keni u paweni.  Ma pê programê wayirti ıni heywonon rê wayironê neweyon vineni.  Ma heta ınkay çarçiwaya ın programi dı 296 heywonon rê wayiri neweyi diyi.”

Anket

Yeni sitemizi beğendiniz mi ?

Evet
Hayır
Normal