HEME MESELAYİ YENİ SAFİKERDIŞ

Reis Arıkan ziyaretê Mehlaya Simoni dı va; “Heta heyat dewom bıkero ihtiyaci zi vıraziyeni; ma zi semedê heme ihtiyaciyon viyarnayiş, heme meseleyon safikerdış xebıtiyeni.”

Reisê Belediyaya Çoligi Erdal Arıkan, bı Paştmironê Reisi Ahmet Altunhan, Yaşar Demir u mudıronê qısımon Mehlaya Simoni ziyaret kerd.

Reis Arıkan esnafê mehla ziyaret kerd; kar u gurê yın dı bereket waşt u dıma zi hemwelatiyon dır omı yoca.

Reis Arıkan muxtarê mehla Tahsin Çeçen u şarê mehla ra gueştariya meselayonê mehla kerd u va, heme meselayi yo bı yo yeni safikerdış.

Reis Arıkan baciyo muxtar Çeçen u hemwelatiyon dır mehla dı gêra u va, xızmeti ki lazımi heme piya çarçiwaya yo program dı yeni ca ardış.

Reis Arıkan va; “Ma heme mehlayonê xu dı çarçiwaya program dı xebıtiyeni, hem meselayonê xu keni safi hem zi hemwelatiyonê xu dır yeni tihet. İrtıbatê ma u muxtaronê ma tımotım esto. Ma pê fıkırê aqılo şirık xızmet keni. Heme mehlayi ma u mıntıqayi ma, ma het zêpi yi. Ma pê edalet u bı şıklêko zelal xebıtiyeni.”

Reis Arıkan destpêkerdışê xebatonê servırazi u bınvırazi ser vındert u hına qıseykerd; “Ina çarçiwa dı Mehlaya Simoni dı xızmeti ki icab keni yeni ca ardış. Bı şıklê mudeyê kılmi, mudeyê weseti u mudeyê dergi program yeno vıraştış u meselayi mehla beni safi.”

Hemwelatiyi semedê ziyareti zaf memnun biyi u yin zi hına va; “Ma ziyaretkerdış u meselayonê mehlaya ma herınd dı diyayişê Reisi, ma zaf kerdi memnun. Ma ın ziyaret dı meselayi mehlaya xu u ihtiyaci xu bı xu Reis ra vati. Ma bawer keni ki Reisê ma u ekiba yi wa ki semedê serfırazi zaf cehd keni beni serfıraz u xızmeti ki bajarê ma dı ihtıyaci bı yin esta yo bı yo oni ca. Ma Reisê xu u ekiba yi ra bawer keni u semedê alaqadariya cı zi teşekur keni.”

Anket

Yeni sitemizi beğendiniz mi ?

Evet
Hayır
Normal