HEDREYİ DEST KERD PÊ, BEDILİYAYIŞ BENO TEMOM

Firmayi ki vıraştışê 2 etabonê projeya newekerdışê bajari guret, ına firma şantiyeyê xu na rue u bad hadreyi vıraştışê proje dest keno pê.

Guerê eşkerayê Koordinatoriya Medya, Neşır u Munasebetê Şari ê Belediyaya Çoligi ra, çarçıwayê ‘Projeya Etaba 2yın ê Newekerdış u Averberdışê Bajari’ dı firmayi ki ihaleyonê etaba 2yın u 3yın gureta, ini firmayon dest pê xebat kerd.

Beyanat dı vaciya, runayışê şantiya zerrê 2 hefton dı beno temom u beyanat una dewom kerd, “Firmayi, wextêko kılm dı hedreyê xu vineni u dest keni xebat ver. Ma çı wextêko koti vıraştışê bonon çıqas ki ma dest ra biyero ma projeye xu lez keni hedre. Bad vıraştışê proje comi, mektebo vêrin, cayi sosyali u cayi ticareti ki vercu ına mıntıqa dı çiniyebi ita dı vıraziyeni. Pê ına proje hem enqazê erdlezi wedariyeno hem zi imajê bajarê ma bedıliyeno.”

 “5 Milyon TL destegê kira diyawo”

Çarçıwayê proje dı heta ınka 5 Milyon u 288 henzar u 475 TL yardımê kira diyawo weharonê mılki. “Dest pê kerdışê proje ra nat qê kiradayışê weharonê mılki dayış ma zerra xebıtiyayi. Fono ki ma Wezaretê Doruveri u Bajari ra gureto pê ını fon ma destegê kira dawa. Ma heta ınka kirayi 15 aşmon da u heta proje temom bı ma destegdayış ri dewom keni.”

Beyanat dı etabi proje una bi rêz;

Etaba 1yın

Projeya Newekerdışê Bajari 30.000 m² erd sera 332 heb 161,25 m² boni, 60 heb gureca vıraziyeni, bınê binayon dı zi otoparqa sergureti hendê cayê 100 heb wesayiton vıraziyena.

Etaba 2yın

Etaba 2yın dı 35.000 m2 erd sera 308 heb 161,25 m2 boni, 60 heb gureca vıraziyeno, bınê binayon dı zi otoparqa sergureti hendê 120 heb wesayiton vıraziyena, 1 kreş u cayê kayê qıcon esto.

Etaba 3yın

Etaba 3yın dı 34.500 m2 erd ser 308 heb 161,25 m2 boni, 60 heb gureca, bınê binayon dı zi otoparqa sergurete hendê 120 heb wesayiton, 1 purn, 1 otoparqa bınê erd hendê 225 wesayiton u cayê kayê qıcon esto.

Etaba 4ın

Etaba 4ın dı 26.300 m2 erd sera 160 heb 161,25 m² boni, otoparqa akerdi hende cayê 140 wesayiton, cayê fitness, cayê kayê qıconi, qulubeya bekçi ca geni. Her yo 4 heb blokon ra 160 heb 222 m² rezidansi, bınê her yo blok dı 186 m² salona fıtnesi, 325 m² cayê kayê qıcon, 200 m² hawuza asnaw vıraziyena.

Etaba 5ın

Vıraştışê Merkezê Kultır u Comi, 120 heb ofisi.

Anket

Yeni sitemizi beğendiniz mi ?

Evet
Hayır
Normal