HEDEFÊ MA SERRNA DEST BI PROJE KERDIŞO

Wezir Kurum: “Projeyo ki tede 923 wayirê heqi esti ma semedê yi hemwelatiyonê xu dır yeni yoca. Hedefê ma serrna dest bı projekerdış u zerreyê 2,5 serr dı wayironê heqi keyeyonê cı resnayişo.”

Wezirê Dormale u Bajari Murat Kurum, ziyaretê Çolig dı derheqê Projeyê Bajarnewekerdış ê Mehlaya Afaton dı qısey kerd.

Wezir Kurum va; “Harekatê Yeneyê Sulh o ki ma 9 Tışrino Verin dı pê talimatê Sereskerê ma Reisêcumhurê ma da destpêkerdış, ma yi dı seha dı qezenc keni, ma heto bin ra masa dı zi qezenckerdış ri dewom keni. Mudeyo ki ma da bı cı şewa bin qediya. Vızêr çarçiwaya mışorıyê Soçi dı pê 10 maddeyon mıntıqayo bı emniyet eşkera bı. Qerari zaf muhimi ki pê yin sulh u huzur yeno omê guretış. Homa biyar weri 150 saet ra pey tiya zi beno mıntıqayo bı emniyet u ma projeyê xu yê 1 milyon bırayê xu yê Suriyayıci ıno mıntıqa dı iskankerdış erzeni fealiyet.”

 “Ma meğduriyetê hemwelati keni tay”

Wezir Kurum, derheqê projeyê bajarnewekerdış ê Mehlaya Afaton dı hına va; “Projeyi Çoligi ki vınderteyi ma wazeni yin bıvıraz u lezabez bajarnewekerdış rayir dı ber. Ma 923 hemwelatiyê xu dır yeni yoca. Hedefê ma serrna dest bı projekerdış u zerreyê 2,5 serr dı wayironê heqi keyeyonê cı resnayiş o. Boni ki ma vırazeni guerê mimariya mehelli beni, qati yin tay beni u kulturê ma muecneni ra. Ma ıno mude dı semedê kira, desteg doni hemwelatiyonê xu u meğduriyetê yin keni tay.”

Anket

Yeni sitemizi beğendiniz mi ?

Evet
Hayır
Normal