HATİPOĞLU ÇOLİG DI QISEY KERD

İlahiyatşınas Prof. Dr. Nihat Hatipoğlu çarçiwaya organizasyonê Belediyaya Çoligi dı omı Çolig u bı nomeyê ‘El-Emin’ derheqê Pêxemberê ma Hz. Muhammed(sav) dı konferans da.

 

Programê El-Emin o ki hetê Belediyaya Çoligi ra çarçiwaya xebatonê kultur dı vıraziya u tede İlahiyatşınas Prof. Dr. Nihat Hatipoğlu qısey kerd, şar zaf alaqa muet ın program.

 

Hatipoğlu heyatê Hezreti Muhammedi ra behs kerd u va; “Serbestiya ma, dınyaya ma, axiretê ma her çiyê ma Homayê ma yo u Resulê ma yo. Rehberê ma belli yo, ma zerr ra tabiye yi yê, ma rayirê yi xu ri kerda rayir, yi komi ra heskerdo ma zi yi ra heskeni, wı komi ra duri vınderto ma zi duri vınderti, ma teslimê yi biyi. In icabê imani yo u imanê ma imanêko hınayin o, imanê ma imanêko maleq mende niyo.”

 

"Rehberê ma Hz. Pêxember o"

 

Prof. Dr. Nihat Hatipoğlu teyna rayirê Hz. Muhammedi teqib kerdış ser vındert u hına qısey kerd; “Ma bı wesileyê Rebiulewel omeyi Çolig. Ma semedê exlaq u heyato rınd ê Hz. Pêxemberi yo ki gereka cironti ra heta bırati heme cayê heyatê ma dı bo, semedê o exlaq u heyat ra duestonê xu ri behs kerdış omeyi tihet. İhtiyacê ma ziyed a ziyed bı heskerdışê Pêxemberi esto. Ze ku Qur’ano Kerimi dı zi vaciyeno Pêxemberê Homayi dı semedê ma misalêka zaf hol esta. Misalê ma zi Hz. Pêxember o. Tek rehberê İslam u ummet o u gereka ma rayirê yi ra şı. Ma ın konferansonê xu dı zi ınay şarê xu ra voni. Ma semedê ına misafırperweriya hol muhabbet u alaqayê yin Reisê Belediyaya Çoligi ri u şarê Çolig ri teşekur keni.”

Hatipoğlu peyniya konferans dı şar dır fotoğraf ont.

Anket

Yeni sitemizi beğendiniz mi ?

Evet
Hayır
Normal