‘HAREKATÊ YENEYÊ SULH’ Rİ DESTEG

Gruba AK Parti ê Meclisê Belediyaya Çoligi derhegê ‘Harekatê Yeneyê Sulh’ dı beyanatê desteği da.

Azayonê Gruba AK Parti ê Meclisi, Seretiya Reisê Belediya Erdal Arıkan dı Harekatê Yeneyê Sulh o ki semedê koridorê terori raşayiş, mıntıqa dı huzur u sulh hakımkerdış dest pêkerdo qey ıno harekat ri desteg yo beyanatê medya neşır kerd.

Reis Arıkan azayon vera beyanatê medya wend u va, bınateyê Tırkiya u Amerika dı mutabaqat vıraziyayo, fıkırê Tırkiya xueriniya 32 kilometre dı mıntıqayê emniyet teşkilkerdış o, Tırkiya hem seha dı hem zi masa dı qezenc kerdo.

Reis Arıkan hına qısey kerd; “Harekatê Yeneyê Sulh o ki dewleta ma Rocveteyê Fırati dı semedê PKK/PYD/YPG u DEAŞ qedinayiş, hudud u şarê ma pawıtış, pê runayişê yo koridorê sulh, bırayonê ma yê Suriyeyıcon yo hel veri welatê xu u keyeyê xu resnayiş dest pêkerdo pê serfırazi dewom keno. Gereka hol biyero zonayiş ki ın harekat semedê Tırkiya yo tercih nê yo mecburiyet o. Çunki koridorê teror o ki verê hududê ma dı waziyeno biyero runayiş, semedê welatê ma tehlikeyê cu ha meydon dı yo. Harekatê Yeneyê Sulh o ki koridorê terori şawo ra u ma gureti emniyet, semedê heme cayê mıntıqa zi huzur u emniyet waadneno. Pê Harekatê Yeneyê Sulh ê ki wazeni wetê okyanus ra mıntıqa dizayn bıkeri cewab diya yin zi. Waziyeno pê destê PKK/PYD/YPG nıfusê mıntıqa bıbedıliyo, labelê ma bawer keni ki ma nıfusê mıntıqa zêcê mıhafaza keni u ın weziyet zi sare dı Rocveteyê Fırati heme cayê mıntıqa resneno sulh u istiqrar. Tırkiya, wayirê tarix, şar u kulturê mıntıqa veciyena. Zê harekatonê Lezgeyê Zeytun u Tırsa Fırati, Harekatê Yeneyê Sulh dı zi Tırkiya mıntıqa dı iklimêkê neweyi ona meydon. In harekat dı mewzuyonê muhimon ra yo zi dewleta ma wazena wa erdê Suriya parçê nêbo u wa Suriya yo parçe bımono. Tırkiya sare ra nat safikerdışê mesela yo parçe biyayişê erdê Suriya dı vinena u ınay mudafa kena. Harekato ki ınkay vıraziyeno semedê ıno hedef zi muhim o. Cumhuriyetê Tırkiya, huzur, pawıtış u refaha şarê Tırkiya u şarê Suriya wazena. Harekatê Yeneyê Sulh gereka ına çarçiwa dı kritik bıbo. Ina çarçiwa dı, ma Gruba AK Parti ê Meclisê Belediya voni ma Harekatê Yeneyê Sulh dı welatê xu u Mehmetcikê xu yê qehremani het dı yi. Ma bawer keni eyro ruec ruecê heme fıkıronê siyasiyon caverdış u yobiyayiş o. Çunki mewzu pawıtışo milli u bekaya welati yo. Ma zerra xu ra bawer keni ki harekat bı serfırazi temom beno. Ma eskeronê xu yê fedakaron ri serfırazi wazeni.”

Anket

Yeni sitemizi beğendiniz mi ?

Evet
Hayır
Normal