GUREYÊ TASFİYE TEMOM BI

Gureyê tasfiye ê projeyê Bajar Newekerdış ê Mehlaya Afaton, pê cehd u xebata Reis Arıkan temom bı. Pê dewırê TOKİ Çolig dı projeyêko bêemsal yeno vıraştış.

 

Reisê Belediyaya Çoligi Erdal Arıkan va; firmayi ki projeyê Bajar Newekerdış ê Mehlaya Afaton dı pêomiyayişê yin fesıh biyo, heqê yin ê fesıhİ diyayo cı u gureyê tasfiye temom biyo.

Reis Arıkan va; cayo ki 923 teni tede wayiri heqi, serra 2011 dı pê şeklê cayê Bajar Newekerdış ilan biyo; serra 2017 dı keyeyi wayironê heqi omeyi weşonayiş; ma zi mudeyêko kılm dı gıroniya xu na ın guri ser.

 

Meğduriyet qediyeno

Reis Arıkan semedê meğduriyeton raviyarnayiş pê cehdêko pil xebıtyayiş ser vındert u va; “Ma semedê meselayonê ma yê muhimon ra meselaya bajar newekerdış zaf cehd kerd. Ma heme çi xu na ın proje ser. Elhemdulilah, ma hıni neticeyê ın cehd u xebata xu vineni. Gueri ki kuweni Belediya ser ma yi temom kerdi, hıni Wezaretê Dormale u Bajari cayê proje dewırê TOKİ keno. Verco projeyê binayon vıraziyeno u dıma binayi yeni vıraştış. Ina saye dı hem hemwelatiyi ma yi ki mudeyo derg ra nat meğduri, yi reseni bononê xu hem zi Mehlaya Afaton resena şeklêko newe u rınd.”

 

Projeyêko emsal vıraziyeno

Reis Arıkan, sehaya bajar newekerdış dı projeyêko emsal vıraştış ser vındert u hına qısey kerd; “ Wezirê Dormale u Bajari Murat Kurum wext bajarê ma ziyaret kerd wayironê heq dır omı yo ca. Wezir o wext mijdona guerê mimariya Çoligi yo proje vıraştış da. Homa biyaro weri ma wezaretê xu dır proje keni hazır u teqdimê wayironê heqi keni.”

 

Reis Arıkan ê ki desteg dayo proje yin ri teşekur kerd u hına va; “Wezirê Dormale u Bajari Murat Kurum, Paştmirê Reisê ma Cevdet Yılmaz, Wekilê ma Feyzi Berdibek, Waliyê ma Kadir Ekinci, burokraton u ekiba teknik ê Wezaretê Dormale u Bajari u idarekaronê ma yê meheliyon sareyê proje ra nat her gom dı paşt da ma. Ez yin hemın ri zaf teşekur keno. Wayiri heqi ki ın mude dı pê hesasiyet tigêrayi, selahiyet da ma u her gom dı paşt da ma ez yin ri zi teşekur keno. Homa ına goma ma bıxeyr keru u diyayişê qediyayişê proje qısmetê ma keru.”

Anket

Yeni sitemizi beğendiniz mi ?

Evet
Hayır
Normal