ĞIJBAZON Rİ TABLET Bİ XELA

Çolig dı çarçiwaya projeyê ‘Vor ra Sohbeti’ dı sporbazonê serfırazon ri tablet bı xela.

 

Mudırê Cıwoni u Spor ê Şarıstoni Mahmut Danayiyen, Temsilkarê Çoligi ê Federasyona Ğıj ê Tırkiya Cevdet Can u Serantrenorê Cıwoni ê Spor ê Şarıstoni Abbas Aktaş, çarçiwaya projeyê ‘Vor ra Sohbeti’ ê Komiteya Marka ê Uludağ (UMAK) dı, semedê tablet sporbazonê serfırazonê ğıjdayiş, Reisê Belediya Erdal Arıkan ziyaret kerd.

 

Reis Arıkan, pê ziyaret zaf bı memnun, sporbazi ki xela kerd heq yi tebrik kerdi u hına va; “Ma semedê paşt, spor u sporbazon dayiş, semedê şarıstonê ma ra sporbazon vetış heme çi keni. Ino semed ra ma qıymet doni projeyonê hınayinon; cıwoni ma yi ki ciya ciya branşon dı wayirê qabiliyeti ma wazeni rayiro raşt ra şiyeri u qey ınay zi ma paşt doni yin. Belediyaya Çoligi hem paş dona kulubonê spor ê şarıstonê ma u hem zi pê Quluba Yaşamspor sporbazonê neweyan kena pil u serfırazi ser serfırazi qezenc kena. Ombazi ma yi cıwoni ki eyra ına xela qezenc kerda ez yin tebrik keno u ê ki ın proje dı keda yin esta ez yin ri zi teşekur keno.”

 

Temsilkarê Çoligi ê Federasyona Ğıj ê Tırkiya Cevdet Can zi va; ma semedê eraverşiyayişê spor u sporê ğıj biyi seferber.

 

Can hına qısey kerd; “Branşê Ğıj dı heta imkonê ma bıbo ma qıconê xu erzeni miyonê xebatonê spori. Bıxısusiyet ma qey sporbazonê serfırazon ri desteg cehıd keni. Ina çarçiwa dı ez mıntıqayê xu u sporbazonê xu ver ra semedê desteg u xeladayişê cı UMAK ri teşekur keno. Homa biyaro weri ma eyro ra pey hina zaf beni serfıraz. Ê ki projeyê UMAK tertib kerdo, kerdo hira ez yin ri zaf teşekur keno.”

 

Qıseykerdış ra pey 7 sporbazonê serfırazonê Disiplinê Alp ri tablet bı xela.

Anket

Yeni sitemizi beğendiniz mi ?

Evet
Hayır
Normal