FESTİVALÊ HESAREK DORA HİRİYIN VIRAZİYENO

Belediyeya Çoligi, 60 welat ra pê iştıraqê 140 teni Festivalê 3yın ê Hesarek tertib kena.

Reisê Belediyeya Çoligi Yücel Barakazi yo beyanat da u va: “Festivalê Hesarek emserr pê şiarê ‘Rengi Dınya Çolig dê’ tertib beno.”

Barakazi va: “Festival pê destegê Wezaretê Kultur u Turizm u Ajansa Averi ê Fırat tertib beno. 60 welat ra 140 mısafır yeno festival. Ino festival fealiyetonê sosyalon het dı qey şınasyayişê bajarê ma zi zaf muhim o.”

Wesayiti bêpere xızmet doni

Barakazi beyanatê xu dı va: “Hemwelatiyi ki bıwazi şiyeri festival, wesayiti ê hemwelatiyon bêpere beni Merkezê Ğıj ê Hesarek. Wesayiti saet 10.00 dı verê Merkezê Kultur ê Belediya ra doni ra.”

Barakazi beyanatê xu ri hına dewom kerd: “Festivalo ki hetê Mudırtiya Kultur u Gureyonê Sosyal ê Belediyeya ma ra organize beno u 3 rueji dewom keno. Festival, 16 Sıbat ruej Cuma pê tiyatro destpê keno. 17 Sıbat dı zi Merkezê Ğıj ê Hesarek dı dewom keno. Festival saet 10.00 dı destpê keno u pê konser, hemberi, ikram, adırê bırati, şovê meşale dewom keno. Mısafıri ki teber ra omê bajar ma yi, Guelê Qulıngi ziyaret keni u festival pê ıno ziyaret qediyeno.”

“Ma baweyê heme hemşeriyonê xu yê”

Reis Barakazi va: “Dı festivali ki serronê vêrinon dı ma organize kerdi zaf alaqa di. Hemşehriyi ma yi ki Çolig u teberê Çoligi dı cuyeni, ez yin hemın dewet keno festival. Festivali ki ma çarçiwaya fomê belediyeya sosyal dı tertib keni, hem bajarê ma hem zi merkezê ğıj zaf hol doni şınasnayiş.”

Anket

Yeni sitemizi beğendiniz mi ?

Evet
Hayır
Normal