EKİBONÊ İTFAİYE MUDAXELEYÊ 400 HEB ŞEWATON KERD

Ekibonê Mudirtiya İtfaiye ê Belediyaya Çoligi 9 hemı aşmonê verinon ê serra 2018 dı piyerê bajari dı pêser mudaxaleyê 400 heb şewaton kerd. Ekibon, zobina mudaxaleyê 42 heb qezayonê trafik kerd u 8 heb weqayonê xukıştış dı ca guret.

Reisê Belediyaya Çoligi Yücel Barakazi, munasebetê Hefteyê İtfaiye ra Mudirtiya İtfaiye ziyaret kerd. Reis Barakazi personelon dır qıseyi kerd u hefteyê yın bımbarek kerd. Barakazi va, mışagi itfaiye 7 rueci 24 seati hê wazife ser dê.

Reis Barakazi, qê mucadeleyê çetıniya xebat a ekibonê itfaiye ri teşekur kerd u va, “Ekibi itfaiye ki pê feraset u şeref a wazifeyê xu oni ca ez hefteyê yın bımbarek kena u Humayi ra niyaz keno ki bê şewat bê qeza ruecon bıviyarni u ez xebatonê yın dı cı ri serfirazi wazeno.”

Mudaxale bı 400 heb şewaton

Mudirê İftaiye ê Belediyaya Çoligi Faik Artan, qê ziyaretê Reis Barakazi ya reisi ri teşekur kerd u raporê fealiyetê serra 2018 kerd eşkera.

Mudirê İftaiye ê Belediyaya Çoligi Faik Artan qal kerd u va, “Hemı bajari dı pêser 400 heb şewaton ri pê serfirazi ya mudaxele bı. 42 heb qezayi trafik, şewatê wesayiton u qezayi trafik dı merdımi ki zerrê wesayit dı mendi pê serfirazi ya mudaxale bı cı. Ekibon zerrê serra 2018 dı mudaxaleyê 8 heb weqayonê xukıştışi kerd.

 “Ma Reisi ra destego gırd geni”

Faik Artani va, Reis Barakazi hemı destegon dono ekibonê İtfaiyê. Artani, qalkerdışê xu una qêdina, “Reisê Belediyaya ma Yücel Barakazi maddi manewi hemı destegê xu dono ma u tımotım ho ma ver do. Ez rıdê ını paştdayış ra Reisê Belediya Yücel Barakazi ri teşekur keno. Ma zi pê ına destagdayışê Reisê ma ra mudaxaleyê şewaton ra wet weqayonê fatısyayış dı zi ca geni. Ma wextêko kılm dı yo ekiba bınêawk na rue u ına ekib bajarê ma dı mudaxaleyê  weqayonê fatışyayışi kena. Ma inon ra wet wext ra wext semineronê tedrisati u tetbiqaton zi vırazeni. Ma pê destegdayışê reis a xebatonê xu zerra keni. Ez ruecê itfaiye ê personelon bımbarek keno u qê zerra xebıtiyayışê yın ez cı ri teşekur keno.”

Anket

Yeni sitemizi beğendiniz mi ?

Evet
Hayır
Normal