DURAĞİ MODERNİ VIRAZİYAYİ

Belediyaya Çoligi, 4 noktayi ki tedı sıxletiya raywonon esta ıni cayon dı duraği moderni vıraşti. Durağon dı klima, Wi-Fi, prizi u kamerayi pawıtışi esti.

Guerê eşkeraya Koordinatoriya Medya u Munasebetê Şari ê Belediyaya Çoligi, 4 duraği otobusi ki cı ra 3 hebi 7 metre yi u 1 zi 4 metre ya gureyê montajê cı temom bı.

Eşkerawa ki tedı temom biyayişê gureyê teknik ra pey xızmetkotışê durağon ra behs bı hına dewom kerd: “Verê Comiya Pil, Universite, Niweşxoneyê Dewlet u Çata Afatoni ki tedı sıxletiya raywonon zaf a, ıni cayon dı duraği moderni vıraziyayi. Kursıyi durağon beni germın, tedı klima u kameraya pawıtışi esti. Beri wırdi heton ra beni a. Melzemeyê durağon metal o u ceng nigeno; melzeme bı şıklê tawano tinapêki vıraziyayo comi zi 10 mm yi u bı damperi. Zerreyê durağon dı prizi ceyroni u xetê internet esti.”

Eşkerawa ki tedı xebata durağonê xesardiyayon newekerdış ra zi behs bı, tedı hına vaciya: “Duraği otobusoni ki, xesar diya u hıni nişıxulyeni yeni newekerdış. Goma verin dı 30 nokta dı duraği 4 metreyıni vıraziyeni. Ina çarçiwa dı temombiyayişê muameleyon ra pey ihale vıraziyena.”

 “Ma wayirê durağonê xu bıvêc”

Eşkera dı semedê durağon ri wayirti kerdış veng dıya şari.

Eşkera hına dewom kerd: “Ê ki zırar doni durağonê otobuson lazım o hemwelatiyi ma destur nidi yin u pê hesasiyet tibıgêri. Ma şarê xu ra ınay paweni: Eger raşt ru merdımonê zırarwazon biyeri wa destur nidi yin u wa bıgêri belediyaya ma u wa xeber bıdi ma. Ini duraği ê şarê ma yi; lazım o ma piya yin mıhafızı bıker, zırar ver dı xu kerr niker. Wa duraği moderni bajarê ma ri bı xeyr u bımbarık bi.”

Anket

Yeni sitemizi beğendiniz mi ?

Evet
Hayır
Normal