DOKUMENTERÊ DAŞINASNAYİŞİ NEŞIR Bİ

Dokumenterê daşınasnayışi ki xızmeti belediya tedı ca gureti hetê belediya ra neşır bi.

Dokumentera daşınasnayışi ki 12 deqiqa ya hetê Koordinatoriya Medya, Neşır u Munasebetê Şari ê Belediyaya Çoligi ra medyaya sosyal sera neşır bi.

Filımê daşınasnayışi, pê şiarê ‘Ma qê xızmetkerdışê şıma hê ita’ u hetê ekibmana profesyonel bi temom. Filım dı, tarix, kultır u coğrafyayê bajari ra u xızmeti ki hetê belediya ra vıraziyayi inon ra behs bı.

Dokumenter dı projeyi ki serronê peyinon dı vıraziyayi ini, projeyi ki hema hê vıraziyeni u projeyi ki pilonê belediya dı esti derheqê ini projeyon dı tayn fotoğrafi ca geni. Dokumenter dı zobina derheqê iqtısadê, wesayitonê u personelonê belediya dı malumat diyawo.

Şıma eşkeni dokumenterê daşınasnayışi, rıpelê belediya ê resmi, youtube u medyaya sosyal sera ca bıkeri.

Barakazi: “Ma verê israf guret, yatırımi ziyednayi”

Reisê Belediya Yücel Barakazi peyniyê dokumenter dı derheqê xızmetonê belediya dı çend qali kerdi u va, ma israf qêdina u yatırimi ziyednayi.

Barakazi, una dewom kerd, “Ma belediya pê 200 milyon Lira deyni ya dewr guret u deynê ma ınka kot bınê 130 milyon Lira. Ma disiplino mali na rue, ma hem tesaruf kerd hem zi verniyê israfi dı vınderti u yatırımi ziyednayi. Deynê SGK u deynê baci ê Belediya çiniyo la ma honc zi yatırımi pili vıraşti. Inı zi muecneno ki iqtısadê belediyaya ma zaf quwetın o.”

 “Ma derheqê yatırımon dı çımtengi nêkerd”

Ma qê problemonê servıraz u bınvırazonê bajari nizdiyê 70 milyon Lira xerc kerd u projeyi ki heta ınka vıraziyayi maliyetê yın pêser 120 milyon Lira viyert.

 “İnon ra wet projeyi ki hê vıraziyeni u projeyi ki pilonê ma dı esti maliyetê yın pêser 620 milyon Lira viyereno. Projeyi ki ma qêdinayi u aye ki hema hê vıraziyeni ınon ra wet zobina fıkıri zi veciyeni. İhtiyaci newi veciyeni. Ma zi qê safikerdışê ıni ihtiyacon zobina projeyon keni hedre. Ma ıney ra bawer keni, ma itımatê hemwelatiyonê xu keni, ma xu ra bawer keni u ma Humay ra bawer keni inşallah ma mehcub nêbeni.”

Barakazi, qalkerdışê xu una qêdina, “Ma zaf qıymet doni cayonê zergunon, tarixê belediya dı qê cayo zergun ma imza eşta yo reqor. Bajarbiyayış dı cayo zergun zaf qıymetın o. Ma ına saha dı zaf xebati kerdi. Qê xızmetê cayê zerguni yo muecnakê ma esta. Çolig, serra 1936 dı biyo bajar. Inı tarix ra heta wextê belediyaya ma 90 henzar qarametre erd biyo zergon. Ma zerrê 4 serron dı 94 henzar qaremetre erd kerd zergun u ma bajarê xu dı hemı wexton ra zaf ca kerdo zergun.”

Anket

Yeni sitemizi beğendiniz mi ?

Evet
Hayır
Normal