DEYNONÊ BAC U AW PTT RA DAYİŞ MUMKUN O

Çarçiwaya protokole bınateyê Belediyaya Çoligi u Sermudırtiya PTT ê Çoligi, deynonê aw u bac PTT ra dayiş bı mumkun.

Guerê eşkeraya Koordinatoriya Medya u Munasebetê Şari ê Belediyaya Çoligi, bınateyê Belediya u PTT dı protokolê piyaxebat imza bı.

Eşkera dı hına vaciya, “Semedê sıxletiya belediya kêmkerdış u bıreheti heqê faturayonê xu dayişê hemwelatiyon, PTT dır protokol imza bı. Hemwelatiyi ma eşkeni heqê aw u baconê emlak, pakiya dormale, ilan u reklam PTT ra bıdi.”

Ruejo pêyin ê texsitê verini: 31 Gulon

Eşkera dı deynonê bac ê serra 2019 ra zi behs bı u vaciya ki lazım o heta 31 Gulon texsito verin ê bacê emlak, pakiya dormale, ilan u reklam biyero dayiş.

Eşkera dı hına vaciya, “Hemwelatiyi ma yi ki deynê yin esto semedê verniya sıxleti guretış eşkeni belediya dı u PTT dı deynê xu bıdi. Eger hemwelatiyi ma nêwazeni ceza bıweri lazım o heta o tarix texsito verin bıdi.”

Anket

Yeni sitemizi beğendiniz mi ?

Evet
Hayır
Normal