DESTUR NÊDİYENO ĞELETİ

Belediyaya Çoligi fıkıro ğeleto ki tetbiqê imar ser peyda biyo derheqê yi dı va; “Tetbiqi ki teberê mewzuat u resmiyet dê destur nêdiyeno yin. Dosyayi ki verniya yin dı hetê qanun ra engel çin o, muameleyê yin nêomeyo vındarnayiş, bilekis semedê lezabez u bı sıhet temombiyayişê muameleyê yin heta mumkun o cehd beno.”

Koordinatoriya Medya u Munasebetê Şari ê Belediyaya Çoligi, iddiaya ki hetê têkın ra qest ra vaciyena ‘Belediya ruhsaton finena erey’ cewab da ına iddia.

Eşkera dı hına vaciya; “Dosyayi komisyonê İmar u Bajari dı tetkik beni, derheqê inşaat u gureyê inşaat dı heme muameleyi kritik beni. Semedê raşti ser vırazyayişê inşaaton u verniya vıraşteyo qeçax u bêusul guretış, verniya teberê mewzuat u resmiyet dı gurıkerdış guretış dosyayi hazıri u muracati neweyi kritik beni. Proses pê hesasiyet dewom keno, labelê têkı teberê heqiqet dı tay fıkıron miyonê şar dı keni vıla. Heme vateyi ‘belediya ruhsaton finena erey’ teberê heqiqet dı yi. Dosyayi ki tede mesela çin a, verniya cı dı hetê qanun ra engel çin o yin vındarnayiş mewzubehs niyo.”

“Destur nêdiyeno tetbiqonê teberê mewzuati”

Eşkeraya ki tedı vaciya teberê mewzuat dı destur nêdiyeno imar hına dewom kerd; “Demo newe dı bıxısusiyet mewzuyê imar dı pê hesasiyet yeno tigêrayiş. İmar, çarçiwaya şertonê bajarê ma dı u çarçiwaya mewzuat dı viyereno tetbiq. Qet neheqi tu çıkesi nêbena u qet yo şexıs ya zi firma rê iltımas zi nêbeno. Gureyi ki plan bıxerıpni u teberê imar dı bi destur nêdiyeno qet yo gurı zi.”

“Cezaya gıron diyena cı”

Eşkeraya ki tedı vaciya firmayi inşaati ki teberê qanunê imar dı gurı bıkeri u estetikê bajar bıxerıpni cezaya gıron diyena yin hına temom bi; “Diqet bı mimariya nızm beno u destur nêdiyeno vıraşteyonê bêusulon. Ina çarçiwa dı Mudırtiya Dormale u Bajari dır xebati şirıki beni. Ekibi kontrolê inşaat ê Mudırtiya İmar, ekibonê Mudırtiya Dormale u Bajari u ekibi teftişê vıraşte piya xebıtiyeni u teftişonê xu zidneni. Firmayi inşaati ki teberê mewzuat dı u teberê desturê mudırtiya imar ê Belediyaya ma dı gurı bıkeri ceza diyena yin. In mewzu dı qetiyen tawiz nêdiyeno.”

Anket

Yeni sitemizi beğendiniz mi ?

Evet
Hayır
Normal