DESTUR NÊDİYENO BONONÊ QEÇAXON U XIRBEYON

Belediyaya Çoligi, 8 aşmonê peyinon dı 41 işğaliye da wera u 45 xırbeyi şayi ra.
 
Guerê eşkeraya Koordinatoriya Medya u Munasebetê Şari ê Belediyaya Çoligi; vıraşteyi xırbeyi, işğaliyeyi u bufeyi qeçaxi ki hududê belediya dı ca geni, tesbit beni u yeni weşonayiş.
 
Eşkeraya ki tede çarçiwaya vera xırbeyon mucadele dı piya xebata Mudırtiya İmar u Bajari, Mudırtiya Şubeyê Vera Suconê Narkotik Mucadele ê Mudırtiya Emniyet ra behs bı hına dewom kerd; "Boni xırbeyi ki hem hetê êsayiş ra xırabi hem semedê can u mal tehlike yi u hem zi çıqas wext bıviyero beni cayê şıxulyayişê maddeyê kungi tesbit beni u yeni weşonayiş. Ina çarçiwa dı 8 aşmonê peyinon dı 45 vıraşteyi xırbeyi tesbit biyi. Muameleyonê qanuni ra pey xırbeyi omeyi weşonayiş."
 
Eşkera dı zereyê ın mudeyi di tesbit biyayiş u wedaryayişê 45 vıraşteyonê qeçaxon ra behs bı u hına vaciya; "Çarçiwaya vera vıraşteyonê qeçaxon mucadele dı ekibi Mudırtiya İmar u Bajari u Mudırtiya Zabıta piya xebıtiyayi u vıraşteyi qeçaxi ki tesbit biyi mudaxele biyo. Vera vıraşteyonê qeçaxon teftişi dewom keni, vera vıraşteyonê bê ruhsaton u bê usulon mucadeleyê ma pê qerari dewom keno."
 
Eşkeraya ki tede derheqê  xırbeyon u vıraşteyonê qeçaxon dı pê hesasiyet tigêrayişê hemwelatiyon ra zi behs bı hına qediya; "Eger hemwelatiyi ma xırbeyon bıvini ki biyi cayê şıxulyayişê maddeyê kungi wa xeber bıdi emniyet u belediyaya ma. Bıxısusiyet xebati ma yi ki semedê cıwonon maddeyê kungi ra dur tepıştış beni, desteg ê xebaton dayiş zaf muhim o." 

Anket

Yeni sitemizi beğendiniz mi ?

Evet
Hayır
Normal