DEPOYİ AW YENİ PAKKERDIŞ

Belediyaya Çoligi, depoyonê awa weri ê bajari kena pak u dezenfekte kena.

Guerê eşkeraya Koordinatoriya Medya u Munasebetê Şari ê Belediyaya Çoligi, ekibi Mudırtiya Aw u Qenalizasyon ê Belediya, depoyonê awa weri ê bajari keni pak.

Eşkeraya ki tede vaciya 7 depoyê awa weri ki qapasiteya yin 19.500 metrekupa hetê ekibonê mutehasıson ra pê klor yeni pakkerdış hına dewom kerd; “Ewıli depoyi Simoni, Baxçelievler, merkezê çarşu u Mehlaya Afaton pê klor omeyi pakkerdış. Paki het dı ıni depoyi temir zi biyi. Çarçiwaya xebat dı heme depoyi awa weri ê bajarê ma yeni pakkerdış u klor beni.”

Lazımo depoyi binayon biyeri pakkerdış

Eşkera dı derheqê depoyonê aw ê binayon u cayonê xebat dı hemwelatiyi iqaz biyi u ifade bı ki gereka depoyi aw tor tay serr dı dori biyeri pakkerdış u dezenfekte bıbi.

Eşkeraya ki tede vaciya eger depoyi dezenfekte nêbıbi beno ki zê tifo, tifus, dizanteri, bırini feki, hebatit u kolera nêweşiyi biyeri meydon hına dewom kerd; “Lazımo depoyi binayon u cayonê xebat serr dı, dı dori biyeri pakkerdış. Depoyi ki qapaxê yın sağlem nêbo u wextê cı dı dezenfekte nêbıbi semedê weşiya insoni beni sebebê tehlikeyê pili. Semedê xu nêweşiyon ra pawıtış u heyatêko weş raviyarnayiş lazım o depoyi aw bı tertib biyeri pakkerdış. Ma hemwelatiyonê xu ra ın mewzu dı pê hesasiyet têgêrayiş paweni.”

Anket

Yeni sitemizi beğendiniz mi ?

Evet
Hayır
Normal