COMİYİ U TERMİNAL DEZENFEKTE BİYİ

Belediyaya Çoligi, çarçiwaya tedbironê virusê korona dı comiyi merkezê çarşu u terminalê otobusonê bınateyê bajaron dezenfekte kerdi.

Guerê eşkeraya Koordinatoriya Medya u Musabetê Şari ê Belediyaya Çoligi, çarçiwaya tedbironê virusê korona dı xebata dezenfeksiyon ê ekibonê Mudırtiya Veterineri dewom kena.

Eşkera dı verco zi dezenfekte biyayişê wesayitonê xeti, dıngon u binaya xızmet ê belediya ra behs bı u vaciya ki terminalê otobusonê bınateyê bajaron u comiyi merkezê çarşu dezenfekte biyi.

Eşkera dı hına vaciya; “Vera virusê koronayo beynelmilel tedbiri ma dewom keni, xebati ma çarçiwaya yo program dı yeni ca. Pê tetilbiyayişê universiteyon terminalê bınateyê bajaron dı sıxleti zidya. Ina çarçiwa dı ekibonê ma, terminal pê diqet dezenfekte kerd. Ofisi, banki, mescidi ciniyon u comêrdon, lavaboyi u cayi ki zaf şıxuliyeni her heti ra ilaç biyi. Heto bin ra merkezê çarşu dı Comiya Heci Xıdıri, Comiya Pil u Comiya Heciyon u lavaboyi yin, banki runıştışi, asıni pawıtışi u cayi bini comiyon dezenfekte biyi. Xebata comiyon dezenfekte kerdışi dewom kena.  Bê comiyon parki u cayi ki şarê ma zaf şıxulneno ê cayi zi yeni dezenfekte kerdış.”

Anket

Yeni sitemizi beğendiniz mi ?

Evet
Hayır
Normal