COMİYİ Kİ QEY NIMAJİ BENİ A DEZENFEKTE BENİ

Comiyi ki riyê virusê korona ra qefıliyayi bi 29 Gulon ruej Yene newe ra beni a. Belediyaya Çoligi semedê paki u weşi comiyon dezenfekte kena.

Guerê qerarê Seretiya Gureyê Diyanet, comiyi ki baxçe, hoş ya zi cayê cı yo servıste esto tede 29 Gulon ruej Yene nımajê Cuma yeno kerdış. In qerar ser ra Belediyaya Çoligi queli xu şemernayi. 

Ekibonê Mudırtiya Gureyê Veteriner ê Belediya verco zerre u baxçeyê comiyonê çarşu dezenfekte kerd.

Guerê eşkeraya Koordinatoriya Medya u Munasebetê Şari ê Belediyaya Çoligi 39 comiyi ki tede nımajê wexton yeno kerdış zi dezenfekte beni.

Eşkera dı hına vaciya; “Çarçiwaya tedbironê virusê korona dı 16 Edar ra nat comiyon dı nımaj niomên kerdış. Seretiya Gureyê Diyanet çarçiwaya heyato bıtedbir dı qerarê 29 Gulon dı comiyon  semedê nımaj kerdış akerdış guret. Inay ser ra comiyi ma hetê ekibonê ma ra dezenfekte beni.”

“Heme tedbiri yeni guretış”

Eşkeraya ki tede semedê hemwelatiyon virus ra pawıtış heme qeyde tedbir guretış ra behs bı hına dewom kerd; “Ruejo ki welatê ma dı virusê korona tesbit bı o ruej ra nat şarıstonê ma dı heme tedbiri giryayi. Sare dı Walitiya ma, heme teşkilati kamu pê koordinasyon xebatonê xu ri dewom keni. Bı xısusiyet zê ibadetxaneyon, wesayitonê xeton, texsiyonê ticariyon, dolmişonê dew u qezayon, teşklatonê kamu, parkon cayi ki hemwelatiyi ma zaf şıxulneni dezenfekte beni. In wexto ki heyatê bı kontroli destpêkerdo lazımo hemwelatiyi ma guerê tedbiron tibıgêri u xu sıst nikeri.”

Anket

Yeni sitemizi beğendiniz mi ?

Evet
Hayır
Normal