CEZA DİYA REKLAMONÊ BÊDESTURON

26 firmayi ki bêdestur malzemeyê reklami dard kerd bı, Belediyaya Çoligi 13 hezari lira ceza da ıni firmayon.

Mudırtiya Zabıta ê Belediyaya Çoligi derheqê dard biyayişê ilan u reklamon dı teftiş da destpêkerdış.

Ekibon seraserê şarıston dı dest bı teftiş kerd u esnafi ki afişi u pankarti dard kerdi yi iqaz kerdi. Ekibon esnafi ra va çarçiwaya madeyê 42yın ê Qanunê Qebeheton dı meydon, park, cehde u kuçeyon dı diyes u cayonê kamu dı u bêdesturê wayirê cı cayonê xısusiyon dı puet, kağıd u malzemeyo bin ra afiş u pankarton dardkerdış qedeğe yo.

13 hezari lira ceza omi bırnayiş

Çarçiwaya teftişon dı tesbit bı ki 26 firmayon dıngonê otobuson, panoyonê ceyroni u zobi cayon dı bêdestur malzemeyê reklami dard kerdo.  Ekibon 13 hezari lira ceza da ıni firmayon.

Belediya derheqê teftişon dı hına beyanat da; “Eger wayiri firmayon vera heme iqaz u hişariyon hina zi zê veri tibıgêri, bêdestur afiş u pankarton dardkeri u estetikê şarıston bıxerıpni cezaya pere diyena yin.”

Eşkera dı derheqê afiş u pankart dardkerdış dı hına vaciya; “Semedê çarçiwaya qanun dı afiş u pankart dardkerdış lazımo muracatê belediya bıbo; destur ra pey zi gereka cayo ki belediya mueto cı ê cayon dı u bı mudeyo belikerde dı afişi u pankarti biyeri dardkerdış.”

Anket

Yeni sitemizi beğendiniz mi ?

Evet
Hayır
Normal