CAYİ MADEYÊ KUNGİ OMÊ RICNAYİŞ

Çarçiwaya xebatonê verniya madeyê kungi gırotış ê Belediyaya Çolig u Mudırtiya Emniyet dı, 2 cayi omê rıcnayiş.

Guerê eşkeraya Koordinatoriya Medya u Munasebetê Şar ê Belediyaya Çoligi, ekibonê Mudırtiya Şubeyê Vera Suconê Narkotik Mucadele ê Mudırtiya Emniyet u ekibonê Mudırtiya Bajari u İmar Belediya peyniya xebatonê xu dı mehlaya Mirzon u Mehlaya Saray dı, 2 cayi xırabê tesbit kerdi.

Guerê eşkera, ıni cayon dı madeyê kungi omên şıxulnayiş. In tesbit ser ra qey ıni cayon rıcnayiş xebat destpêkerd. Eşkera hına dewom kerd: “Mehlaya Saray dı yo bufeya xırabi u Mehlaya Mirzon dı mewqiyê depoyê verin ê aw dı yo vıraştıwo xırabı tesbit bı. Semedê rıcnayişi muameleyê resmi vıraziyayi, dıma dormale dı tedbiri omê gırotış u xırabê omê rıcnayiş. Pê rıcnayişê xırabıyon, verniya madeyê kungi şıxulnayiş omı gırotış.”

Eşkerawa ki tede semedê verniya madeyê kungi gırotış dewomiya xebaton ra behs bı hına qediya: “Çarçiwaya xebatonê cayonê xırabıyon u cayonê qaçaxon heta eyro bıseyon işğal wedariya, cayi xırabê omê rıcnayiş. Semedê bajar dı verniya madeyê kungi gırotış u cıwonon ıney ra xelısnayiş xebati ma dewom keni. Çarçiwaya vera madeyê kungi mucadele dı zaf çi kuweno hemwelatiyonê ma ser. Eger hemwelatiyi ma cayonê xırabıyon dı şıxulyayişê madeyê kungi bıvini, wa muracatê belediya u emniyet bıkeri. Şıma eşkeni bıgêri xetê 155 u tiya ra zi derheqê weziyet dı melumat bıdi.”

Anket

Yeni sitemizi beğendiniz mi ?

Evet
Hayır
Normal