CAYİ MADDEYÊ KUNGİ YENİ RICNAYİŞ

Ekibonê Belediyaya Çoligi u Mudırtiya Emniyeti çarçiwaya vera maddeyê kungi şıxulnayiş mucadele dı mezbaxaneyo verin o ki 18 qısımon ra yeno meydon rıcna.

Guerê eşkeraya Koordinatoriya Medya u Munasebetê Şari ê Belediyaya Çoligi, ekibonê Mudırtiya Şubeyê Vera Suconê Narkotik Mucadele ê Mudırtiya Emniyet u ekibonê Mudırtiya İmar u Bajari ê Belediyaya Çoligi tesbit kerd ki mezbaxaneyo verin o ki mehlaya Afaton do tede maddeye  kungi yeno şıxulnayiş.

Eşkera dı vaciya ki “gerreyê şarê mehla ser ra xebat destpê kerd u tesbit bı ki mezbaxaneyo ki 18 qısımon ra yeno meydon tede maddeyê kungi yeno şıxulnayiş. Lezabez xebat destpê kerd, muameleyê resmi omê temomkerdış u cayo ki tede maddeyê kungi yeno şıxulnayiş omı rıcnayiş.”

 “Heta eyro 114 binayi xırabê omê rıcnayiş”

Eşkera hına dewom kerd, “Heta eyro çarçiwaya vera maddeyê kungi şıxulnayiş mucadele dı 114 binayi xırabeyi omê rıcnayiş. Hem sayeyê gerreyê şarê mehlayon dı hem zi sayeyê teftişonê ekibon dı binayi xırabeyi pê kontrol yeni rıcnayiş. Semedê verniya maddeyê kungi şıxulnayiş gırotış, cıwonon kurmonê xırabon ra durvıstış u verniya lêşê dormale gırotış binayi ki tesbit beni yeni rıcnayiş. Mewzuyê verniya maddeyê kungi gırotış dı wezifeyê hemwelatiyonê ma zaf o. Bıxısusiyet hemwelatiyi wext binayonê xırabeyon dı şıxulyayişê maddeyê kungi vineni wa muracatê Belediya u Mudırtiya Emniyeti bıkeri.”

Anket

Yeni sitemizi beğendiniz mi ?

Evet
Hayır
Normal