CAYİ DEZENFEKTANÊ DESTON VIRAZİYAYİ

Belediyaya Çoligi çarçiwaya tedbironê virusê korona dı zerreyê bajar dı otomati dezenfektan nayi ru.

Reisê Belediya Erdal Arıkan derheqê mewzu dı va, zerreyê bajar dı cayi ki pêyayi zaf şıxulneni ma ıni cayon dı 15 hebi otomati dezenfektani nayi ru.

Reis Arıkan vera virusê korona mucadele dı ehemiyetê pakiya deston ser vındert u hına qısey kerd; “Ze ku şıma zi zoni xu virusê korona ra pawıtış dı pakiya deston u pakiya şexsi zaf muhim i. Ina çarçiwa dı sare dı merkezê çarşu cayi ki pêyayi zaf şıxulneni ma ıni cayon dı otomatonê dezenfektanon noni ru. Hemwelatiyi ma yi ki mecburi ver veciyeni teber eşkeni pê ıni otomaton destonê xu pakkeri u xu virus ra bıpawi. Otomati hetê ekibonê ma ra kontrol beni u wext dezenfektan bıqediyo zi dezenfektan beno otomaton.”

“Ma tedbironê xu zidneni”

Reis Arıkan vera virusê korona seraserê bajar dı tedbiron zidnayiş ra behs kerd u va; “Ma talimatonê Wezaretê Gureyê Zerre dest dı bajarê xu dı tetbiq keni heto bin ra zi Belediyaya ma tedbiron gena. Ina çarçiwa dı cayi ki zaf şıxuliyeni ıni cayon, binayonê kamu u cayonê binon dezenfekte keni. Cehde u kuçeyi ki tede trafik zaf o u pêyayi zaf şıxulneni ma ıni cayon pê deterjan şuweni u dezenfekte keni. Ma heme parkonê xu dezenfekte keni u mudeyêk qefılneni. Ma banqonê runıştışi doni wera. Belediyaya Çoligi qıymet dona weşiya hemwelatiyonê ma u ma bı ın fom xebıtiyeni.”

“Keye dı vınderên”

Reis Arıkan bı xısusiyet semedê hemwelatiyonê 65 serron ra diyar, semedê heme hemwelatiyon ehemiyetê keye dı vındertış ser vındert u va; “Vera virusê korona tedbiro tor muhim xu izolekerdış o. Ma wazeni heta mecburi nibo wa hemwelatiyi ma keye ra niveciyi. Bıxısusiyet pili ma yi 65 serron ra diyari gereka zaf mıqat xu bi. Heme ihtiyacê yin hetê dewlet ra yeno raviyarnayiş. In welato qedim zaf tengasiyon ra xelısiyayo, ın hal zi pê piyayiya dewlet u mılet yeno raviyarnayiş. Heme teşkilati dewleta ma heme tedbiron geni, paketonê ekonomi keni hazır; lazım o hemwelatiyi ma zi pê diqet tibıgêri u tabiyê heme qeydeyonê dewlet bi. Homa, welatê ma u mıleta ma heme xırabi u heme afaton ra bıpawo.”

Anket

Yeni sitemizi beğendiniz mi ?

Evet
Hayır
Normal