BUNDERİ DİYENA TUCARONÊ HEYWONONÊ KEYEYİ U SUSİ

Belediyaya Çoligi, seminerê bunderi dona tucaronê heywononê keyeyi u susi.

Guerê eşkeraya Belediyaya Çoligi, Mudırtiya Baytari ê Belediyaya Çoligi, tucarxoneyi ki heywononê keyi u susi rueşeni, seminerê bunderi dona yin.

Eşkeraya ki tede vaciya ê ki wazeni iştıqraqê programê bunderi bıkeri eşkeni muracatê Binaya Xızmet ê Belediya bıkeri hına dewom kerd; “Guerê qanunê 5199 ê Pawıtışê Heywonon u nizamnameyê ca ardışê ınê qanuni, ê ki heywononê keyeyi u susi rueşeni ya zi wazeni bırueşi semedê yin buderiya sertifiqa diyena. Peyniya bunderi dı hetê Belediyaya Çoligi ra Wesiqaya İştıraq u Sertifiqa diyena iştıraqkaron. İştıraqkari, çarçiwaya program dı mewzuyonê guerê Weriomiyayişê Awrupa Pawıtışê Heywononê Keyeyi u Susi, Weriomiyayişê CİTES, qanunê 5199 ê Pawıtışê Heywonon u nizamnameyê ca ardışê cı, Nizamnameyê Ronayiş, Akerdış, Ruhsat, Xebat u Teftiş ê cayonê Ruetış, Weyekerdış u Bunderi ê Heywononê Keyeyi u Susi, Ekolojiya Heywonon, Tigêrayişê Heywonon, Weyeti u Pawıtışê Heywonon dı bunderi vineni.”

Guerê eşkera semedê programi muracati bınateyê 15-19 Hezironi dı vıraziyeni. Bunderiya sertifiqa zi 23 Heziron ruej Sêşeme seet 09.00 dı, salona piseromiyayiş ê Merkezê Cıwani ê Veysel Belgin ê Belediyaya Çoligi dı dest pêkena.

Anket

Yeni sitemizi beğendiniz mi ?

Evet
Hayır
Normal