BELEDİYEYA MUŞ Rİ ZİYARET

Waliyê Çoligi Ali Mantı u Reisê Belediyeya Çoligi Yücel Barakazi, Belediyeya Muş ziyaret kerd.

Reisê Belediyeya Muş Feyat Asya, paştmiri reis u idarekari bin şiyi vera Wali Mantı u Reis Barakazi.

Wali Mantı u Reis Barakazi, Reis Asya dır sohbet kerd. Reis Asya qê xatırê ziyareti Wali Mantı u Reis Barakazi ri yo taxımê finconon kerd xela.

Reis Asya wextê ziyareti dı derheqê fealiyetonê Belediyeya Muş dı melumat da mısafıronê xu. Reis Asya va, ma 90 hınzar metrekare ser yo tesisê fealiyetonê sosyal vıraşt u eşt xızmet, şarê ma ınka tiya ra istıfade keno.

Reis Asya va, “Ma ına proje 2 serri dı kerd temom, ma ınka ra pê zi qê Muş xebat ri dewom keni. Ma yo binaya tarixi restore kerd u eşt fealiyet. Wextê restorasyon dı ma zaf diqet kerd ki wa şekıl u şemalê bina dı yo xesar nêvıraziyo. Qê hemwelatiyonê seqeton zi ma xebıtiyeni.”

Reis Barakazi derheqê ziyaret dı qısey kerd u va, “Ma Belediyeya Muş ziyaret kerd. Tiya dı Reis Feyat Asya u ekibe yi dır omê yoca. Ma derheqê fealiyetonê belediyeyonê xu dı istişare kerd. Ma belediyeyonê dormaleyê xu ziyaret keni, ıni şarıstonon dı çı projeyi tetbik beni inon vineni u qê belediyeya xu fıkırêk geni. Qê ıno ziyaret ez Reisê Belediyeya Muş Feyat Asya u ekibê yi ri zaf teşekur kena.”

Anket

Yeni sitemizi beğendiniz mi ?

Evet
Hayır
Normal