BELEDİYEYA ÇOLİGİ XELAYA ‘BAJAR NEWEKERDIŞ’ GURET

Projeyê etaba 2. ê bajar newekerdış u averberdışo ki Mehlaya Afaton dı hetê Belediyeya Çoligi ra tetbiq beno, xelayonê idareyê mehelli dı xelaya projeyê bajar newekerdış guret.

Reisê Belediyeya Çoligi Yücel Barakazi, guerê neticeyê anketê “ İdarekari Mehelli ê Serr Tesbit Beni” wesfa “Reisê Belediye ê Serr” qezenc kerd.

Anketo ki hetê Mecmuaya İdareyê Mehelli ê Anadolu ra vıraziya, tedı projeyi ki seraserê serr vıraziyayi ıni projeyon ca guret. Anket dı şari rey da u projeyon guerê reyonê şari derece guret. Ina xela qey idareyonê mehelliyon xelayêka muhim u bı qıymet a. Merasimê Xelaya Reisonê Belediyeyon ê Serr, 23 aşma Konunê Verin dı Kayseri Erciyes dı vırazyeno.

Merasimê xelaya İdarekaronê Mehelli ê Serr -7 dı, xelayi ki 19 qısımon dı ciya ciya kritik biyi u tesbit biyi, dıyeni reisonê belediyeyonê bajaronê pilon, bajaron, qezayon u nahiyeyon.

Reisê Belediye Yücel Barakazi derheqê mewzu dı hına qısê kerd: “Ma mudeyê wezifeyê xu dı zaf projeyi tetbiq kerdi. Bê projeyon zi ma zaf gurê weşi kerdi. Ma pê şeklê ekib u pê istişare xızmetonê xu rê dewom keni. Mehlaya Afaton dı projeyê bajari newekerdışi esto. Semedê ıno proje, Mecmuaya İdareyê Mehelli ê Anadolu, xelaya ‘Reisê Belediyeyo Serfıraz ê Serr’ da ma. 23 aşma Konunê Verin dı Kayseri dı merasimê xela vıraziyeno. Ma şar Çolig vera oca dı beni. Ina xela moral u motivasyonê ma zedinena.”

Anket

Yeni sitemizi beğendiniz mi ?

Evet
Hayır
Normal