BELEDİYE QUTİYONÊ NEWE RA ŞIXULNAYİŞ KENA VILA

Belediyeya Çoligi merkezê şarıston dı qê teşkilatonê dewlet u mektebon qutiyonê newe ra şıxulnayiş kena vıla.

Reisê Belediyeya Çoligi Yücel Barakazi va, ‘Ma vılakerdışê qutiyonê newe ra şıxulnayiş ri destpê kerd, pêser dı ma hınzar u 500 quti keni vıla.

Reis Barakazi va: “Ma ıni qutiyon teşkilatonê dewlet, mekteb u universite dı keni vıla. Qê eşteyê plastik, com u kağıt ma inon şıxulneni u ıni maddeyi têpiya diyeni ari. Pê ına proje ma doruverê xu pak geni. Ma qayili wa talebeyi dormaleyê xu pak bıkeri u hesletê paki zerra yin dı ca bıgero. Hefteyêk a proje destpê kerd u bı seyon qutiyi biyi vıla. Mektebon dı u teşkilatonê dewlet dı zi xebatê vılakerdışi hema dewom keno.”

Barakazi va, “Çı çop zerreyê qutiyon dı omı pêser, çend wexton ra pê diyeno ari. Çı eşkeyo ki ma eşkeni newe ra bışuxuln, ma qayil niyi ıni hın şiyeri. Ma hemwelatiyonê xu ra rica keni zê kağıt, qarton, plastik u pet çiyo ki ma eşkeni newe ra bışıxuln, wa inon eşteyo bin ra ciya bıgeri u wa bıerzi qutiyonê newe ra şıxulnayiş.”

Barakazi va, ma paki ri zaf diqet keni u ina dewom kerd: “Qutiyi newe ra şıxulnayiş, qê paki yi. Teyna belediye nê, lazımo herkes şarıston pak bıger u wehar cı bıvec. Ino semed ra her hemwelat, şarıston ra mesul o, wı zi gereka zê belediye pê mesuliyet hereket bıker. Cayonê muşterek pak guretış, wazifeyê ma hemın o.”

Anket

Yeni sitemizi beğendiniz mi ?

Evet
Hayır
Normal