BELEDİYE ÇOP RA ENERJİ VIRAZENA

Belediyeya Çoligi, semedê qazê çop ra ceyron xu dest eştış gomêka muhim eşt u prosesê ihale temom kerd.

Belediyeya Çoligi, sehaya depokerdış ê eşteyo wışk dı semede tesiso entegre, fealiyetê seha, ciyakerdış, çop ra enerji hesılkerdış u roniyayişê tesisê fermantasyon ihale vıraşt.

İhaleya ki qey 29 serran u pê usulê tesisê heqê ğeyri ayni ê mulkiyeti vırazya pê ınay hındeyê 35 milyon lira sermaye yena ronayiş.

Semedê vırazyayişê tesison, sehaya eşteyê wışki depokerdış dı, 94 donım ser, ca tesbit bı. Wexto ki tesisi bıviyeri fealiyet 120 ten tede beno wayirê gureyi.

Barakazi: “Pê 2 teknolojiyonê ciyayon ceyron vıraziyeno.

Reisê Belediyeya Çoligi Yücel Barakazi va, çarçiwaya projeyê tesisê entegre dı pê usulonê seyaha depokerdış u fermantasyon enerjiyê ceyroni vıraziyeno.

Barakazi va; “Firmaya ki ın gurı gıroto xu ser semedê ay ca tahsis biyo u xebatonê teşkilati ronayişi destpêkerdo; tesisê eşteyê wışki depokerdış dı her ruej 240 ton ra enerji xu deşt eştış beno mumkun.”

Reis Barakazi va; “Wext ın proje bıviyero fealiyet goma verin dı 1 megawatt enerji hesıl beno. In proje semedê doruveri muhim o, ma hım lêşıniya doruveri keni safi hem zi enerjiyo ki ma teber ra geni ma ca dı hesıl keni. Enerjiyo ki seranserê 29 serron dı hesıl beno ma pê yı se ra 2 kar keni.”

Reis Yücel Barakazi va; Wext proje viyert fealiyet ma proje hina aver beni. Ma çopê qezayon u bajaronê dormale kırışeni tesisê eşteyê wışki depokerdış. Pê ınay, çopo ki ma depo keni zidyeno u ına saye dı ma hina zaf enerji hesıl keni. Ma pê ıno sermaye ronayişo ki duestê doruveriyo hem dormaleyê xu paweni hem zi waridatê belediyeya xu zidneni. Semedê enerjiyê tij ra ceyron xu dest eştış zi xebati ma dewom keni. Firmayi ki alaqa mocneni ın gurı inan dır mışoreyi ma dewom keni. Wext ma projeyê enerjiyê tij bıerz fealiyet ma enerjiyêko muhim hesıl keni. Projeyê hesılê enerji qey Çoligi zaf muhim o. Pê ın proje zaf teni beni wayirê guri. Wext ıni projeyi bıviyeri fealiyet ma zaf çi qezenc keni.

Anket

Yeni sitemizi beğendiniz mi ?

Evet
Hayır
Normal