BELEDİYAYA ÇOLİGİ RA HEMWELATİYON RÊ PAKETA RUEŞONİ

Belediyaya Çoligi, Rueşonê Remezoni ra ver paketa rueşoni da hezar u 500 keye.

Guerê eşkeraya Koordinatoriya Medya u Munasebetê Şari çarçiwaya tigêrayişê Belediyaya Sosyal dı semedê keyeyonê muhtacon paketi rueşoni biyi hedre.

Eşkeraya ki tede vaciya paketi verco pê diqet u miyonê şertonê hijyeni dı omeyi hedrekerdış u dıma pê koordinasyon omeyi vılakerdış hına dewom kerd; “Ekibi ma çarkenarê şarıstoni ra biyi vıla u mudeyêko kılm dı paketi rueşoni dayi keyeyon. Rueşonê Remezoni dı teber veciyayiş qedeğe wo; ınay ra qıci ma nieşkeni bıveci teber u şeker aribıdi. Ma zi şeker eşt paketonê xu, ma waşt pê ınay zerra qıcon u duayonê pilon bıger. Duayi keyeyonê ma, moralê ma zaf keni weş u motivasyonê ma zidneni.”

Eşkeraya ki tede vaciya ıni rueci ki vera virusê korona mucadele dewom keno hemwelatiyi ma hina zaf muhtacê morali u yin ri hina zaf desteg lazımu hına dewom kerd: “Ma vera virusê korona mucadeleyê xu ri dewom keni, ma ın mude dı hemwelatiyonê xu teyna niverdeni, çı ihtiyaciya yin bıbo ma ê çiyon ser xebat keni. Ina çarçiwa dı ma semedê hemwelatiyonê xu yê muhtacon koliya weri, semedê hezar u 500 keye zi paketa rueşoni kerd hazır u teslimê yin kerd. Ekibi sıheti kı servisonê Covid-19 dı xebıtiyeni ma yi zi teyna niverdayi u ma yin ri her ruej fatar kerd hazır. Ma ber bı ber gêrayi u ma setê dezenfektan da hemwelatiyonê 65 serron ra cuer. Ma ın mude dı heywani tebermendeyi zi xu vir ra nikerdi u ma semedê yin weru wışk erdi ser kerd vıla. Heto bin ra ma destegê kıtab da bı hezaron keye. Şarıstonê ma dı xebati tesirê virusê korona wedarnayiş guerê usulê 7/24 dewom keni.”

Anket

Yeni sitemizi beğendiniz mi ?

Evet
Hayır
Normal