BELEDİYAYA ÇOLİGİ QEY ZIMISTONİ HAZIR A

Belediyaya Çoligi yo wesayita vor rıtışi, yo wesayita vor barkerdışi, yo wesayita qıckek ê vor rıtışi u yo wesayita sual kerdışi gureti u daxılê filoya wesayiton kerdi. Reisê Belediyaya Çoligi Erdal Arıkan va, pê daxılê filo biyayişê ıni wesayiton xebata vor rıtış u pakkerdış hina hol bena.
 
Reisê Belediyaya Çoligi Erdal Arıkan, Mudırtiya Makina u İkmal ziyaret kerd u personelo ki mewsimê zımıstoni dı vor keno pak yin dır ome yoca.
 
Reis Arıkan tiya dı beyanat da mensubonê medya u sare dı Mudırtiya Resnayiş semedê zımıstoni hazır biyayişê heme qısımon ser vındert.
 
Reis Arıkan va; "Ma semedê hina hol vor pakkerdış siparişê yo wesayita vor rıtışi, yo wesayita vor barkerdışi, yo wesayita qıckek ê vor rıtışi u yo wesayita sual kerdışi da u ın nızd dı ma ıni wesayiton daxılê filoya xu keni. Heto bin ra Homa biyaro weri ma pê 6 qreyderon, 7 loderon, 2 ekskavatoranê paletınon, 1 ekskavatora lastikın, 1 wesayita sualkerdışi, 2 wesayitonê pêyarayir rıtışi u 6 qamyonon vor keni pak."
 
Reis Arıkan dıma zi personeli dır kombiyayiş kerd u va belediya otir yo teşkilata ki merkezê heyatê insani u şarıstoni dı ca gena.
Reis Arıkan hına qısey kerd; "Wext ma şarê xu ri xızmet keni gereka ma zaf cehd bıker u ma pê keyf bıxebıti. Qısımonê muhimonê belediya ra yo zi Mudırtiya Resnayiş a. Gureyi ki şıma tiya keni, wezifeyi ki şıma bı liyaqet oni ca şarê ma zaf keni şa. Wext ma gureyê xu bıker şarê ma, ma ri dua bıkero Homayi het dı ıni duayi semedê ma beni sedeqe. Ma wext wezifeyê xu oni ca gereka ma hem xızmetê xu raşt bıker u hem zi pê ın fıkır tibıgêr. Ma keda heme ombazonê xu ri hurmet keni. Ma pê heskerdış u hurmet şarê xu ri xızmet bıker."
 
Reis Arıkan çarçiwaya yo plan dı xebata vor rıtış u pakkerdışi ca ardış ser vındert u va; "Her ombazê ma gereka mudıron, şefon u ekiba xu dır çarciwaya plan dı u raşt bıxebıtiyo. Wextê vor pakkerdışi dı cayi ki tede sıxletiya insanon u wesayiton zaf a, gereka diqet ê cayon bıbo u dêstır mudaxele cı bıbo. Ez heme ombazonê ma ra bawer kena. Homa biyaro weri ma çarçiwaya plan u program dı xebata xu keni u mewsimê zımıstoni viyarneni."

Anket

Yeni sitemizi beğendiniz mi ?

Evet
Hayır
Normal