BELEDİYA XEBITİYENA, BAJAR BENO RIND

Belediyaya Çolig, semedê Çoligêko hina rınd u bınvıraziya hina modern xebıtiyena. Belediya, semedê verniya awa şıli u laseron guretış xetê drenaj ê awa şıli vırazena.

Reisê Belediyaya Çoligi Erdal Arıkan va, çarçiwaya xızmetonê bınvıraziya ki ihtiyacê şarıston pê esto, xebata vıraştışê xetê drenaj ê awa şıli dest pêkerd.

Reis Arıkan va, xebata ki mehlaya İnalı ra dest pêkerd pê ına xebat xızmetêko muhim ê bınvırazi yeno ca; ın xeto ki semedê awa şıli vıraziyeno awa sehaya eskeri zi onceno piser.

Reis Arıkan ehemiyetê xebat ser vındert u hına va; “Ma pê ına xebata xetê drenaj ê awa şıliya ki semedê şarıstonê ma ihtiyaciyêka muhim a verniya laseron u guel biyayişê awa şıli geni. Ma pê xebata mehlaya İnalı hem awa mehlaya xu hem zi awa sehaya eskeri texliya keni. Ma emserr ına xebata xu temom keni, serrna zi cayonê binonê şarıstonê xu dı eyni xebat keni.  Hedefê ma çarçiwaya plan dı meselayonê bınvırazi ê şarıstonê ma safikerdış o.”

“Xebati servırazi dewom keni”

Reis Arıkan çarçiwaya servırazi dı dewomkerdışê xebatonê asfalta germın, pêyarayir, kerraya parkeya kılitın u temirat ra behs kerd u guerê planê mudeyê dergi viyarnayişê kêmasiyonê bınvırazi u servırazi ser vındert.

Reis Arıkan va; “Mehlaya Afaton dı rayirê peyniya Parka Bediuzzaman Said Nursi u Cehdeyê Kurtuluş o ki Çatrayirê Tuğay ra heta Çatrayirê Afaton dewom keno tede xebata asfalt temom bi. Cehdeyê Universite ê Mehlaya Recep Tayyip Erdoğan dı zi xebata asfalt dewom kena. Heto bin ra Mehlaya Mirzan, Yenimehla u Mehlaya İnalı dı xebata kerraya parkeya kılitın, pêyarayir u cayi ki riyê xebata qazê tabii ra xerıpiyayi xebata temirê yin dewom keno. Emserr heta hewa musade bıkero ma xebata xu ri dewom keni. Serronê verniya ma dı ma pê şantiyeya plentê asfalt ronayiş xebatonê servırazi hina hol oni ca.”

“Qey ma memnuniyetê hemwelatiyon muhim o”

Reis Arıkan, dewomkerdışê xebatonê binaya xızmet ê Belediya, tesisonê eskeriyon, rayiron hirakerdış u peyzaj ser vındert u hına qısey kerd; “Gureyi ki istiqbalê şarıstonê ma bedılneni ma yo bı yo ê gureyon keni.  Hedefi ki ma semedê miyonê huzur, şayi u weşi dı cuyayişê şarê xu, xu ver dı nayi ru ma bı qerari hetê ıni hedefon ser şıni. Qey ma huzur, şayi, weşi u memnuniyete şarê ma heme çi ra ver o. Ma pê ın fıkır tigêrêni. Ma ın semed ra bınvırazi ra heta servırazi, filoya wesayiton ra heta tesisonê neweyon, cayonê sosyal ra heta xebatonê kultur ma pê projeyonê xu, yo Çoligêko hina weş u rınd oni meydon. Ma zerra xu u hemwelatiyon besteni yobinon a u heme piya şıkıl doni istiqbalê şarıstonê xu.”

Anket

Yeni sitemizi beğendiniz mi ?

Evet
Hayır
Normal