BELEDİYA SEMEDÊ EXTİYARON Bİ SEFERBER

Extiyari ki riyê virusê korona ra mudeyo derg ra nat keye dı moneni, ruejonê kıfşkerdeyon dı eşkeni bıveciyi teber. Belediyaya Çoligi setê hijyeni dona extiyaron. Reis Arıkan va; “Ma semedê hina rehet cuyayişê pilonê xu heme çi keni.”

Belediyaya Çoligi, semedê virusê korona tedbironê xu zidnayiş ri dewom kena. Ekibi Belediyayi ki seranserê rueci xebata dezenfeksiyoni keni extiyaron ri zi beni desteg.

Ekibi çarçiwaya yo plan dı keyeyonê hemwelatiyonê 65 serron ra cuer ziyaret keni. Ekibi sılam u hurmetê Reisê Belediya Erdal Arıkan hemwelatiyon ra voni u setê hijyeno ki tede dezenfektanê desti, kolonya, maske u broşurê melumati esti doni hemwelatiyon. Hemwelatiyi ki hediyeyonê xu geni voni, ma pê ıni desteg beni paşt raşt u Reisê Belediya Erdal Arıkan u ekibon ri teşekur keni.

“Weşiya hemwelatiyonê ma heme çi ra ver a”

Reisê Belediya Erdal Arıkan derheqê mewzu dı eşkeraya xu dı va, ma semedê hemwelatiyonê xu yê diyarê 65 serron risk ra pawıtış, setê hijyen keni vıla.

Reis Arıkan hına qısey kerd; “Vera Covid-19 mucadeleyê ma her het ra dewom keno. Ma ına çarçiwa dı semedê hemwelatiyonê xu yê diyarê 65 serron setê hijyeno ki tede dezenfektanê desti, kolonya, maske u broşurê melumati esti kerd hazır.”

Reis Arıkan, semedê weşi u huzurê hemwelatiyon heme tedbiron guretış ri cehdkerdış ser vındert u va; “Semedê ın proseso zor ra xelısiyayiş ma piya şew u ruej xebıtiyeni. Ma Belediyaya Çoligi heme tedbironê pawıtışi u verniguretışi het dı zobina projeyon zi oni ca. Xebatoği ma yi sıheti mucadeleyê Kovid-19 safa verin dı yi. Ma her ruej fıtar doni xebatkaronê sıheti, ma semedê extiyaronê xu setê sıheti, hemwelatiyi ma yi ki keye dı moneni semedê yin sewiyeya mektebo verin, mektebo miyanin u lise dı kıtabi kerdi vıla. Heto bin ra zê xebata dezenfekte, maske vılakerdış xebati ma zi dewom keni. Peyniya xebatonê pilon u muhimonê dewleta ma dı weziyetê ma her ruej beno hol. Ma xu sıst nikeni, xu gueşon ser nitexerneni, tedbironê xu ri dewom keni u pê Homayi ma ın bela ra xelısiyeni.”

Anket

Yeni sitemizi beğendiniz mi ?

Evet
Hayır
Normal