BELEDİYA LOGOYÊ XU BEDILNA

Belediyaya Çoligi, logoyê xu yo ki 40 serr ra nat şıxulnên bedılna. Belediya logoyo newe dı ca da resımê qertali, rueji u kuyon.

Guerê eşkeraya Koordinatoriya Medya u Munasebetê Şari ê Belediyaya Çoligi, logoyo ki mudeyo derg ra nat şıxuliyeno pê sembolonê neweyon ome bedılnayiş.

Eşkeraya ki tede vaciya logoyo newe, meclisê Belediya dı pê reya heme azayon qebul biyo hına dewom kerd; “Logoyo ki tede semboli şoneyonê Çoligi u mundê Eyşık  esti u nızdiya 40 serr ra şıxuliyeno hem semedê kulturê ma şınasdayiş nuqson mendên hem hetê zobi cayon ra omên şıxulnayiş u hem zi belediya temsilkerdış dı kêm mendên. Inay ra yo logoyo newe vıraştış icab kerdo. Ina çarçiwa dı peyniya mışoreyon u xebaton dı logoyo newe vıraziyayo. Logoyo newe dı qertalo ki folklor u cesaretê şarê ma temsil keno, Kuyi Çoligi ki ser efsaneyi u deyiri omeyi vatış u ruejo ki dınya dı tor hol peyê ıni kuyan ra veciyeno ca geni. Logoyo newe piseromiyayişê meclisê Belediya ê aşma Hezironi dı pê reya heme azayon qebul bı. Logoyo neweyo ki kulturê şarıstonê ma muejneno ra heme xebatonê Belediyaya ma dı yeno şıxulnayiş.”

Anket

Yeni sitemizi beğendiniz mi ?

Evet
Hayır
Normal