BELEDİYA: “ EŞKERAWO Kİ YO NİYETO XIRAB EST”

Belediya cevab da eşkerayonê Seretiya Bajar ê AK Parti u Namzetê Reisê Belediya Erdal Arıkan u va: “Kombiyayişo ki guerê iddiayê spontane biyo bil’eks bıxısusiyet tertib biyo. Vateyê, ‘Reisê ma dawet biyo labelê semedê tazayi mazeretê xu beyan kerdo’ zi raşt niyo. İddiayi ki vaciyeni heqiqet ra dur i, hedefê ıni iddiayon şar xapıtış o.”

Belediyaya Çoligi, derheqê eşkerayonê Seretiya Bajar ê AK Parti u Namzetê Reisê Belediya Erdal Arıkan dı yo beyanato newe da.

Beyanat dı hına vaciya: “Eşkeraya medya dı vaciyayo ki wayironê arazi ri yo beyanato musbet ya zi menfi nidıyayo u heta idareyê belediyayo ınkayın wezife dı bo derheqê ın mewzu dı yo beyanat dayiş yin ri bêhurmeti ya. Labelê kombiyayiş ra pey, medyaya sosyal dı ifadeyonê “ma wayironê heq dır omê yoca u ma yin dır mışorı kerd” ca guret o. Tiya ra zi fom beno ki wayironê arazi dır derg u dıla mışorı biyo. In mewzu dı weziyet zelalo ki Reisê Bajar zi mewzu mecraya cı ra veto. Zeg Reisê Bajar iddia keno ın mewzu kombiyayişê gruba AK Parti dı nê, yona kombiyayiş dı qısey biyo. Gueş şiretona nikuyayo u beyanaton bıruecon medyaya sosyal dı ca gureto; eşkeraya medya ê Belediyaya ma ra pey ıni mesaji hema newe u pê talimat omê wedarnayiş. Lazımo şar ıni niyeton hol bızon u derheqê mewzu dı wayirê melumat b.”

 “Şar yeno xapıtış”

Eşkera hına dewom kerd: “Zeg beyanaton ra zi fom beno, 01 Konuno Verin ruec Şeme kombiyayiş vıraziyayo u 02 Konuno Verin reuc Kıri zi gruba Meclisê AK Parti dır yona kombiyayiş vıraziyayo. Reisê ma Yücel Barakazi dawetê her dı kombiyayişon zi nibiyo u vaciyayo ki Reis semedê tazayi mazeret beyan kerdo. Halbıki ın weziyet teberê heqiqet do. Tazayi ruec Yene qediyaya. Tiya ra zi fom beno ki hetê Sereyê Bajar ra dawet nibiyayişê Muhterem Barakazi u herında yi dı dewet biyayişê Wekilê Reisê Belediya Halim Sugü eşkera muecneno ra ki tiya dı vera Reisê ma niyetêko xırab est. Halbıki guerê Qanunê Belediyayo 5393 numreyın, mueseseya Wekilê Reisti wext Reisê Belediya teberê bajar dı bo kuwena dewre. Reisê ma bajar dı bı u xeber zi cı nidıyaya; ın weziyet dı teberê Qanunê Belediya dı u teberê edeton dı yo kombiyayiş vıraziyayo. Bê randewu yo teşkilat şiyayiş mumkun niyo; labelê qeydeyo ki vaciyeno zeg wayironê arazi verco qet çıkesi dır qısey nikerdo u ıni merdımi a lehza şiyi oca yo çi dıyeno fomkerdış. Labelê ıni iddiayi teberê heqiqet dê u hedefê ıni iddayon şar xapıtış o.”

 “Luemê heqi, rayirê heq ra yeni vetış”

Eşkeraya ki tede ifadeyonê ‘yo Belediyaya AK Parti idare da, labelê zeg yo belediyaya partiya muhalif wezife dı bo u xebat, fealiyet u icraatonê ay teber eştış beyanat dayiş u medyaya sosyal dı neşır kerdış hem zırar dono şınasnomeyê teşkilatê AK Parti u hem zi zırar dono idraqê şari ru’ hına dewom kerd: “Reisê Belediyaya ma muhterem Yücel Barakazi, rueco ki dest bı wezife kerd o ruec ra nat zaf meselayi qedimi kerdi safi, zaf xebati neweyi kerdi, projeyi muhimi resnayi merhaleya vıraştışi. Êyi ki ın luemê yi yê heqi rayirê heqi ra veceni, ğespê selahiyeti nivineni, çiyi ki biyi semedê yin voni xu bı xu biyi u pê yo niyeto ki xalıs niya şar xapineni, hedefê yin fıkırê ‘muhterem Barakazi koto aleyhê parti’ vılakerdış o. Muheterm Barakazi, tımotım tabiyê qeydeyonê parti yo, heq u edaleti het dı vındeno. Yo tigêrayişê yi yo hınayin mewzubehs niyo.”

Anket

Yeni sitemizi beğendiniz mi ?

Evet
Hayır
Normal