BELEDİYA DI WEXTÊ WEZNEYA BI AQIL

Wezneyi aqıli ki Belediyaya Çoligi 2 cayon dı nayi ru 7/24 semedê tehsilati yeni şıxulnayiş. Pê ınay hem gurı beno şenık hem zi hemwelati gureyê xu hina rehet keni.

Belediyaya Çoligi, semedê xızmetonê belediya hina lez ca ardış u muameleyê hemwelatiyon ê belediya dır rehetkerdış binaya xızmet u Mehlaya Saray dı (verê binaya xızmetê idareyê xısusi) wezneyi aqıli nayi ru.

Xızmet 7/24 yeno dayiş

Reisê Belediyaya Çoligi Yücel Barakazi deeheqê mewzu dı va: "Ma bajar dı yona xızmeto newe eşt fealiyet."

Barakazi hına qısey kerd: "Ma semedê xızmetonê xu hina lez ca ardış u pê reheti xızmetonê belediya resnayişê hemwelatiyonê xu, 2 cayon dı wezneyi aqıli nayi ru. Wezneyonê ma yê aqılon dı pê naqit ya zi qarta qredi heqê faturaya aw dayiş u qredi sayaconê aqılon dekerdış mumkun o. 

Barakazi, çarçiwaya xızmetonê e-belediya dı zaf çiyonê neweyon ra behs kerd u hıca va: "Ma xızmeti e-belediya aver berdi, ma zaf xızmeti neweyi viyarnayi fealiyet. Ma siteya resmiya internet ê belediya ser ra têkı xızmeti semedê hemwelatiyonê xu kerdi rehet. Hemwelatiyi ki pê qart aw geni u şıxulneni semedê teberê mesai dı bêaw nêmendışê yin ma cayê qredi dekerdış na ru. Ma ınka zi wezneya aqıl eşt fealiyet. In qeyde hemwelatiyi ma hina rehet xızmet geni. Ma ınka 2 cayon dı wezneyi aqıli nayi ru labelê ma semedê ıni cayon zidnayiş xebıtiyeni. Guerê waştışê hemwelatiyonê ma, cayi ki tede ihtiyac bıbo semedê ıni cayon dı wezneyonê aqılon runayiş xebat yena kerdış. Wezneyi ki ma mudeyêko kılm dı eşti fealiyet wa bajarê ma ri bımbarık bi”

Anket

Yeni sitemizi beğendiniz mi ?

Evet
Hayır
Normal